قازاقستاندىق مەديسينا اسا بىلىكتى مامانىنان ايىرىلدى.
قازاقستاننىڭ دەنساۋلىق ساقتاۋ ءمينيسترى اجار عينيات الماتىداعى بەلگىلى دارىگەر يۋريي شۋمكوۆتىڭ تۋىستارى مەن جاقىندارىنا قايعىرىپ كوڭىل ايتتى، دەپ حابارلايدى Almaty-akshamy.kz.
«قازاقستاننىڭ مەديسينا جۇرتشىلىعى الماتى قالاسىنداعى گاستروەنتەرولوگيا ينستيتۋتىندا كوپ جىلدار بويى قىزمەت اتقارعان بەلگىلى گاستروەنتەرولوگ - دارىگەر يۋريي پەتروۆيچ شۋمكوۆتىڭ ولتىرىلگەنى تۋرالى حاباردى ەستىپ قاتتى الاڭداۋدا. جەكە ءوز اتىمنان جانە دەنساۋلىق ساقتاۋ مينيسترلىگى ۇجىمىنىڭ اتىنان قايعىلى قازاعا ۇشىراعان دارىگەردىڭ تۋىستارى مەن جاقىندارىنا قايعىرىپ كوڭىل ايتامىن. بۇل وقيعا رەسپۋبليكانىڭ دەنساۋلىق ساقتاۋ سالاسى ءۇشىن جانتۇرشىگەرلىك اسا اۋىر قايعى بولىپ وتىر. بەيبىت ۋاقىتتا دارىگەرلەرگە جاۋىزدىق تانىتقان، ءوز ىس-ارەكەتتەرىنە جاۋاپ بەرمەيتىن ادامنىڭ قولىنان قازا تاپتى. وتاندىق مەديسينا گاستروەنتەرولوگيانىڭ دامۋىنا زور ۇلەس قوسقان، جۇزدەگەن پاسيەنتتى جوعارى مەديسينالىق ءبىلىمىنىڭ ارقاسىندا ەمدەپ، ءومىرىن ساقتاپ قالعان اسا بىلىكتى مامانىنان ايىرىلدى. ءۇش بالا جەتىم قالعان، ال قارت اتا-اناسى ۇلىنان ايىرىلعان قازا تاپقان دارىگەردىڭ وتباسى ءۇشىن قايعىلى وقيعانىڭ اسا اۋىر ەكەنىن سوزبەن جەتكىزۋ مۇمكىن ەمەس»، – دەپ جازدى اجار عينيات ءوزىنىڭ Facebook پاراقشاسىندا.
اجار عينيات اتالعان ءىس بويىنشا تەرگەۋ امالدارىنىڭ جان-جاقتى ءوتىپ، قايعىلى وقيعاعا كىنالىلەردى زاڭنىڭ بارلىق قاتاڭ تالابى بويىنشا جازالايدى دەگەن سەنىم ءبىلدىردى.
«ءاربىر وسىنداي ينسيدەنت بۇگىندە زاڭنامالىق تەتىكتەردىڭ كومەگىمەن مەديسينا قىزمەتكەرلەرىنىڭ قۇقىقتارىن سەنىمدى قورعاۋدى قالىپتاستىرۋ، ءوز ءومىرى مەن دەنساۋلىعى ءۇشىن قورىقپاي ءقاۋىپسىز ەڭبەك ەتۋىنە كەپىلدىك بەرەتىن قۇقىقتىق نورمالاردى قابىلداۋ قانشالىقتى ماڭىزدى ەكەنىن كورسەتەدى. دەنساۋلىق ساقتاۋ مينيسترلىگى مەديسينا قىزمەتكەرلەرىنىڭ قۇقىقتارىن قورعاۋ تۋرالى زاڭ جوباسىن ازىرلەدى. جاقىن ارادا ول پارلامەنتتىڭ قاراۋىنا ەنگىزىلەتىن بولادى»، – دەپ جازدى ول.
ەستەرىڭىزگە سالا كەتسەك، الماتىدا بەلگىلى گاستروەنتەرولوگ يۋريي شۋمكوۆقا وق ءتيىپ، قازا تاپقان بولاتىن.