قازاقستان ەكسپورتتالاتىن مۇناي برەندىنىڭ اتاۋىن وزگەرتتى

ەندى قارا التىن KEBKO اتاۋىمەن ەكسپورتتالاتىن بولادى.

قمگ باسقارما ءتوراعاسىنىڭ ورىنباسارى داۋرەن قارابايەۆ «قازمۇنايگاز» ۇلتتىق كومپانياسى (قمگ) جانە باسقا دا قازاقستاندىق مۇناي كومپانيالارى شيكىزاتتى ەكسپورتقا جونەلتۋ كەزىندە مۇنايدىڭ شىعۋ تەگى تۋرالى سەرتيفيكاتتا بۇل مۇنايدىڭ قازاقستاندىق ەكەنىن اتاپ ءوتۋ ءۇشىن KEBKO (Kazakhstan Export Blend Crude Oil) اتاۋىن كورسەتەتىنىن ءمالىم ەتتى، دەپ حابارلايدى Almaty-akshamy.kz Inbusiness.kz سىلتەمە جاساپ.

«ماۋسىم ايىنان باستاپ قمگ جانە باسقا دا قازاقستاندىق كومپانيالار ىلەسپە قۇجاتتاردا مۇنايدىڭ شىعۋ تەگى تۋرالى سەرتيفيكاتتا KEBKO (Kazakhstan Export Blend Crude Oil) مۇنايدىڭ قازاقتان شىققانىن باسا كورسەتۋ ءۇشىن كورسەتىلەدى دەپ شەشتى. ساتىپ الۋشىلاردىڭ سۇراقتارى جوق»، - دەدى ول سەيسەنبى كۇنى وتكەن بريفينگتە.

بۇعان دەيىن Reuters اگەنتتىگى قازاقستاندا رەسەيگە قارسى سانكسيالاردىڭ ەنگىزىلۋىنە بايلانىستى رەسەيدەن شىققان مۇنايدان اجىراتۋ جانە سانكسيالىق تاۋەكەلدەر مەن قارجىلاندىرۋ ماسەلەلەرىن بولدىرماۋ ءۇشىن رەسەي تەڭىز پورتتارى ارقىلى ەكسپورتتالاتىن مۇناي برەندىنىڭ اتاۋىن وزگەرتەتىنىن حابارلاعان.