وسى ادىستەمە بويىنشا سيفرلىق تەڭگەنى ەنگىزۋ تۋرالى شەشىم قابىلدايدى.
قازاقستاننىڭ ۇلتتىق بانك ءتوراعاسى عالىمجان ءپىرماتوۆ ەلىمىزدە «سيفرلىق تەڭگەنى» ەنگىزۋگە قاتىستى تۇسىنىك بەردى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«باستاپقىدا ءبىزدىڭ جوسپار بويىنشا وسى جىلدىڭ ورتاسىنا دەيىن ادىستەمەنى قابىلداۋ ەسكەرىلگەن ەدى. وسى ورايدا سيفرلىق تەڭگەگە قاتىستى بيىلدىڭ سوڭىنا دەيىن شەشىم قابىلدايمىز. سوندىقتان سيرفلىق تەڭگەنى ەنگىزۋ مەرزىمىن كەيىنگە شەگەرۋ ماسەلەسى قارالىپ وتىرعان جوق. جوسپارعا سايكەس ماۋسىم ايىنىڭ سوڭىنا دەيىن ءتيىستى ادىستەمەنى جاريالايمىز. ال جىل سوڭىنا دەيىن وسى ادىستەمە بويىنشا سيفرلىق تەڭگەنى ەنگىزۋ تۋرالى شەشىم قابىلدايمىز»، - دەدى عالىمجان ءپىرماتوۆ ەلوردادا وتكەن باسپا ءسوز ءماسليحاتىندا.
بۇعان دەيىن حابارلانعانداي، مەملەكەت باسشىسى سيفرلىق تەڭگە ەنگىزۋ ماسەلەسىن قاراستىرعان ءجون ەكەندىگىن ايتقان ەدى.