بۇل كۋرس وقۋشىلاردىڭ زەرتتەۋ، تالداۋ، كوللابوراسيا، كوممۋنيكاسيا سەكىلدى داعدىلارىن دامىتۋعا باعىتتالعان.
5-سىنىپتان باستاپ قازاقستاندىق وقۋشىلار «پاتريوتيزم جانە جاھاندىق قۇزىرەتتەر» كۋرسىن وقي باستايدى، دەپ حابارلايدى Almaty-akshamy.kz
بۇل تۋرالى ىبىراي التىنسارين اتىنداعى ۇلتتىق ءبىلىم اكادەمياسىنىڭ پرەزيدەنتى ءمادينا تىنىبايەۆا مالىمدەدى.
ءبىلىم اكادەمياسى پرەزيدەنتىنىڭ ايتۋىنشا، كۋرس وقۋشىلاردىڭ زەرتتەۋ، تالداۋ، كوللابوراسيا، كوممۋنيكاسيا سەكىلدى داعدىلارىن دامىتۋعا باعىتتالعان.
«الداعى وقۋ جىلىنىڭ ءبىلىم بەرۋ پروسەسىنىڭ ەرەكشەلىكتەرىنىڭ ءبىرى - 5-11 سىنىپتاردا «پاتريوتيزم جانە جاھاندىق قۇزىرەتتەر» اتتى كۋرس ەنگىزىلۋى. اكادەميا جوبانى تانىستىرۋ ءۇشىن وڭىرلىك ادىستەمەلىك ورتالىقتارعا جىبەردى. سايتتا جاريالاندى. وقۋ پروسەسىن ۇيىمداستىرۋعا بايلانىستى كەيبىر نقا (نورماتيۆتىك قۇقىقتىق اكتىلەر) بەكىتىلگەننەن كەيىن تۇپكىلىكتى وزگەرىستەر ەنگىزىلەدى، ال حات مەكتەپتەرگە جىبەرىلەدى»، - دەدى ءمادينا تىنىبايەۆا.