مەملەكەت باسشىسى قاسىم-جومارت توقايەۆتىڭ قاتىسۋمەن استانا حالىقارالىق فورۋمى ءوتىپ جاتىر.
پرەزيدەنت قازاقستاننىڭ كوپجاقتى ىنتىماقتاستىققا نەگىزدەلگەن برەندىن ءسوز ەتتى، دەپ حابارلايدى Almaty-akshamy.kz.
«قازاقستان بۇرىننان شىعىس پەن باتىستىڭ، سولتۇستىك پەن وڭتۇستىكتىڭ اراسىنداعى التىن كوپىر سانالادى. كوپ جاعدايدا بۇل فورۋم ۇلى ەۋرازيا دالاسىنىڭ مادەنيەتىنە، تاريحىنا ساي كەلەدى. ءبىز وسىناۋ مۇرامىزدى ماقتان تۇتامىز. ءدال وسى ۇزدىكسىز تاۋار، مادەني جەتىستىكتەرىمىز بەن يدەيا الماسۋ ارقىلى قازاقستاننىڭ وزىندىك ۇلتتىق بىرەگەيلىگى جانە ونىڭ ەرەكشە كوپجاقتى ىنتىماقتاستىققا نەگىزدەلگەن برەندى قالىپتاستى»، - دەدى قاسىم-جومارت توقايەۆ.
پرەزيدەنت گەوساياسي قيىندىقتارعا قاراماستان، قازاقستان ورتالىق ازيادا دا ەكونوميكالىق لوكوموتيۆ قىزمەتىن اتقارىپ وتىرعانىن ايتتى.
«ءبىز شەتەلدەن كەڭ كولەمدە ينۆەستيسيا تارتۋدى جالعاستىرامىز جانە قازاقستاندا بيزنەس جۇرگىزۋ ءۇشىن بارىنشا جاعداي جاسايمىز»، - دەدى مەملەكەت باسشىسى.