سونداي-اق ءوزارا ادالدىق تانىتۋ ارقىلى عانا حالىقارالىق قوعامداستىق ءبىزدىڭ پروبلەمالارىمىزعا قاتىستى ماسەلەلەردى شەشە الادى.
بۇل تۋرالى استانا حالىقارالىق فورۋمىندا مەملەكەت باسشىسى قاسىم-جومارت توقايەۆ ايتتى، دەپ حابارلايدى Almaty-akshamy.kz.
«گەوساياسي قىسىمدار ءبىر-بىرىمىزدى الشاقتاتىپ جاتقاندا ءبىز بىرىگۋگە، ىقپالداسۋعا، ىنتىماقتاسۋعا، ءوزارا قول ۇشىن سوزۋعا دەگەن انىق يمپەراتيۆپەن بەتپە-بەت كەلەمىز. بۇل جەردەگى نەگىزگى يدەيا – وسى. وسىنداي ساتتە استانا حالىقارالىق فورۋمى اتالعان ءۇردىستى كەرى بۇرۋ ءۇشىن تاعى ءبىر مۇمكىندىك بەرەدى. تەك كەزدەسۋ، كەڭەسۋ، سونداي-اق ءوزارا ادالدىق تانىتۋ ارقىلى عانا حالىقارالىق قوعامداستىق ءبىزدىڭ پروبلەمالارىمىزعا، شارۋالارىمىز بەن ۇمىتىمىزگە قاتىستى ماسەلەلەردى شەشە الادى. سوندا عانا ءبىز ورتاق بولاشاعىمىزدى قالىپتاستىرا الامىز. ءبارىمىز ءۇشىن مەيلىنشە تۇراقتى، ءادىل ءارى وركەندەگەن الەم قۇرۋ جولىنا بىرتىندەپ ورالامىز»، - دەدى قاسىم-جومارت توقايەۆ.