«SOS» تۇيمەلەرى كومەككە كەلەدى.
بۇل تۋرالى ونلاين بريفينگتە ىشكى ىستەر مينيسترلىگى اقپاراتتاندىرۋ جانە بايلانىس دەپارتامەنتىنىڭ باس مامانى ءادىل سارسەنوۆ مالىمدەدى، دەپ حابارلادى Almaty-akshamy.kz.
«زاڭعا قايشى ارەكەتتەر نەمەسە توتەنشە جاعدايلار تۋىنداعان كەزدە «SOS» تۇيمەلەرى كومەككە كەلەدى. ءقازىر ەلىمىزدە 114 وسىنداي قۇرىلعى ورناتىلعان. قىزمەتتىك جۇمىستى سيفرلاندىرۋدىڭ ماڭىزدى جوبالارىنىڭ ءبىرى – باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ كوميتەتىمەن بىرلەسكەن قىلمىستىق ءىس جۇرگىزۋدى ەلەكتروندىق فورماتتا جۇرگىزۋ جوباسى. بۇگىندە تەرگەۋشىلەر مەن انىقتاۋشىلاردىڭ بارلىق جۇمىس ورىندارى قاجەتتى تەحنيكامەن، قۇرال-جابدىقتارمەن جابدىقتالعان. ءتيىستى بايلانىس ارنالارى ۇيىمداستىرىلعان»، – دەدى ءادىل سارسەنوۆ.
دەپارتامەنتتىڭ باس مامانى «102» ءموبيلدى قوسىمشاسىنىڭ تەلەفون ارقىلى تۇسەتىن قوڭىراۋلاردان بولەك، الەۋمەتتىك جەلى ارقىلى تۇسەتىن مالىمەتتەردى دە تىركەيتىنىن ايتادى.
«102 ءموبيلدى قوسىمشاعا تىركەلۋ ارقىلى ازاماتتار جەدەل باسقارۋ ورتالىعىنىڭ جەلىسى بويىنشا حابارلاما قالدىرا الادى. جول-كولىك وقيعالارى، جول ەرەجەلەرىن بۇزۋ، بالا كەزىندە كۋا بولعان زاڭعا قايشى وقيعا، تۇرمىستىق زورلىق-زومبىلىق تۋرالى پەن بىرگە فوتو جانە بەينەماتەريال قوسا بەرە الادى. قازىرگى تاڭدا «102» قوسىمشاسىن 53 مىڭنان استام قولدانۋشى جۇكتەگەن. قوسىمشا جۇمىس ىستەي باستاعاننان بەرى 128 مىڭعا جۋىق حابارلاما كەلىپ ءتۇستى. ونىڭ ىشىندە Telegram ارقىلى 5610، Facebook ارقىلى 3914، ۆكونتاكتە ارقىلى 484، ءىىم سايتى ارقىلى 20367 حابارلاما جولدانعان»، – دەدى ءادىل سارسەنوۆ.
مينيسترلىك وكىلىنىڭ ايتۋىنشا، اتالمىش قوسىمشانىڭ كومەگىمەن كەز كەلگەن اۆتوكولىكتىڭ VIN جانە مەملەكەتتىك تىركەۋ ءنومىرىن ەنگىزىپ، كولىك قۇرالىنىڭ تاريحى تۋرالى اقپارات الۋعا بولادى. بۇل قىزمەت ىسكە قوسىلعان ساتتەن باستاپ ازاماتتاردان 5 مىڭداي سۇراۋ تۇسكەن.