ءبىر جىلدىڭ ىشىندە كارتامەن تولەم الۋ كورسەتكىشى 2،4 ەسەگە ءوسىپ، 30 تريلليون تەڭگەنى قۇراعان.
قازاقستاندىق كاسىپورىندار تولەمدى كارتا ارقىلى قابىلداۋدى ادەتكە اينالدىرىپ كەلە جاتىر. ءبىر جىلدا تولەم كارتاسى ارقىلى تولەم الاتىن كاسىپورىنداردىڭ سانى 210 مىڭنان اسقان، دەپ حابارلايدى Almaty-akshamy.kz Finprom.kz cايتىنا سىلتەمە جاساپ.
كوروناۆيرۋس پاندەمياسى ورتا جانە شاعىن بيزنەس جۇمىسىنا ءوز اسەرىن تيگىزىپ، ايتارلىقتاي كەرى اسەر ەتتى. مۇنىمەن قوسا كارانتين، لوكداۋن ارى قاراي ءوز زيانىن تيگىزىپ جاتىر. سول سەبەپتەن كوپتەگەن كاسىپورىندار ءوز جۇمىسىن توقتاتتى. ماسەلەن، ۇستىمىزدەگى جىلدىڭ تامىز ايىندا بەلسەندىلىگىن تومەندەتكەن كاسىپورىندار سانى 19،3 مىڭعا جەتتى.
الايدا كوپتەگەن كومپانيالار بار جاعدايعا بەيىمدەلە ءبىلدى. قولما-قول اقشاسىز جۇمىس ىستەۋ ينفراقۇرىلىمىنىڭ دامۋىنا بايلانىستى كاسىپورىندار ءوز جۇمىسىن ونلاين-رەجيمگە اۋىستىردى. بۇل ءوز كەزەگىندە ولاردىڭ جۇمىسىن وڭتايلاندىردى. وتكەن جىلدىڭ ورتاسىنان باستاپ شاعىن كاسىپورىنداردىڭ سانى ازايسا، ۇستىمىزدەگى جىلدىڭ باسىنان بەرى ولاردىڭ سانى 2،8% ءوستى.
ۇستىمىزدىگى جىلدىڭ التى ايىندا تولەمدى كارتا ارقىلى قابىلدايتىن كومپانيالاردىڭ سانى 210،8 مىڭعا جەتتى، بۇل وتكەن جىلمەن سالىستىرعاندا (101،5 مىڭ)ەكى جارىم ەسەگە كوپ بولىپ كەلەدى. وسى ارقىلى ءوز جۇمىسىن اۆتوماتتاندىرعان كومپانيالاردىڭ سانى وسكەنىن بايقاۋعا بولادى. رOS-تەرمينالداردىڭ سانى ايتارلىقتاي وسكەن (ءبىر جىلدا +86،9%)، بۇل دا كاسىپورىنداردىڭ پاندەميا كەزىندە قازىرگى زامان تالاپتارىمەن ساي جۇمىس ىستەپ جاتقانىن بايقاتادى.
جالپى، بيزنەستىڭ ونلاين-فورماتقا كوشكەنى ىسكەرلىك بەلسەندىلىككە وڭ اسەرىن تيگىزدى: وسى جىلدىڭ ناۋرىزىندا ىسكەرلىك بەلسەندىلىك يندەكسى پاندەميا باستالعالى بەرى ءبىرىنشى رەت وڭ ايماققا ءوتتى.
رەسپۋبليكا بويىنشا،تولەم كارتوچكالارىن قابىلدايتىن ساۋدا كاسىپورىنداردىڭ سانى الماتىدا (51،4 مىڭ)، نۇر-سۇلتاندا (34،8 مىڭ) جانە قاراعاندى وبلىسىندا (16،6 مىڭ) كوپ تىركەلگەن.
تولەمنىڭ يننوۆاسيالىق شەشىمدەرىنىڭ پايدا بولۋىنىڭ ارقاسىندا قولما-قول اقشاسىز وپەراسيالار اقشا اينالىمىن الماستىرادى. وسىلايشا، 2020 جىلى قازاقستاندا تۇڭعىش رەت تولەم كارتوچكالارى بويىنشا اقشا قاراجاتتارىنىڭ جالپى اينالىمىنداعى قولما-قول اقشاسىز وپەراسيالاردىڭ ۇلەسى 32%-عا قارسى 68%-دان اسىپ كەتتى. ال اعىمداعى جىلدىڭ ءبىرىنشى جارتىجىلدىعىنىڭ قورىتىندىسى بويىنشا قولما-قول اقشاسىز تولەمدەردىڭ ۇلەسى 75،4%قۇرادى
جالپى، اعىمداعى جىلدىڭ التى ايىنىڭ قورىتىندىسى بويىنشا، قولما-قول اقشاسىز تولەمدەر كولەمى ءبىر جىل ىشىندە 2،4 ەسە ءوسىپ، 30 ترلن تەڭگەگە جۋىقتادى (ءبىر جىل بۇرىن - 12،4 ترلن تەڭگە). تولەمدەردىڭ 82،7%-ى ينتەرنەت پەن ۇيالى تەلەفون ارقىلى ونلاين رەجيمىندە جۇرگىزىلەدى.