30 اكىمشىلىك حاتتاما تولتىرىلدى.
قالاداعى پوليسيا ساقشىلارى تۇنگى كولىكتەگى بۇزاقىلاردى جازالادى، دەپ حابارلايدى Almaty-akshamy.kz.
ىشكى ىستەر مينيسترلىگىنىڭ رەسمي سايتىنداعى مالىمەت بويىنشا، كولىك جۇرگىزۋشىلەردىڭ زاڭسىز ارەكەتتەرى الەۋمەتتىك جەلىلەرگە جۇرگىزىلگەن مونيتورينگ كەزىندە انىقتالعان.
اۆتوكولىك جۇرگىزۋشىلەرىنىڭ ءبىر توبى جول قوزعالىسى ەرەجەلەرىن ورەسكەل بۇزىپ، جول قوزعالىسىنىڭ باسقا قاتىسۋشىلارىنىڭ ءومىرى مەن دەنساۋلىعىنا ءقاۋىپ توندىرە وتىرىپ، قالانى ارالاپ جۇرگەن.
«بۇل كولىكتەردىڭ جۇرگىزۋشىلەرى انىقتالدى. ولاردىڭ جاسى 22-دە. تاجىريبە كورسەتكەندەي، زاڭعا باعىنۋ مەن كولىك جۇرگىزۋ ءتارتىبىنىڭ دەڭگەيى وتە تومەن. ولارعا قاتىستى زاڭناماعا سايكەس شارالار قولدانىلدى. بارلىعى بەس جۇرگىزۋشىگە 30 اكىمشىلىك حاتتاما تولتىرىلدى. اتاپ ايتقاندا، مانيەۆر جاساۋ ەرەجەلەرىن بۇزعانى، جول بەلگىلەرى مەن تاڭبالاۋ تالاپتارىن ساقتاماعانى، باعدارشامنىڭ قىزىل تۇسىندە جۇرگەنى، اپاتتىق جاعداي تۋعىزعانى، مەملەكەتتىك تىركەۋ ءنومىرى بەلگىسىز كولىك قۇرالىن باسقارعانى، ارتقى جاعىمەن قوزعالعانى، جولاۋشىلاردى تاسىمالداۋ ەرەجەلەرىن بۇزعانى، كولىك قۇرالىنا ارنايى دابىل بەرەتىن قۇرىلعىلاردى ورناتقانى، تاعى باسقا قۇقىق بۇزۋشىلىقتارى ءۇشىن»، – دەدى جەرگىلىكتى پوليسيا قىزمەتى باسقارماسىنىڭ باستىعى ماناپ ساتتاروۆ.