قازاقستان بيداي ەكسپورتىنا شەكتەۋ ەنگىزبەيدى

بيداي قورى بۇگىندە 7،4 ملن توننانى قۇرايدى.

قازاقستاندا ىشكى قاجەتتىلىكتەردى قامتاماسىز ەتۋ جانە ەكسپورتتىق كەلىسىمشارتتاردى جابۋ ءۇشىن بيداي مەن ۇننىڭ جەتكىلىكتى كولەمى بار. قازىرگى ۋاقىتتا ەكسپورتتاۋعا شەكتەۋلەر ەنگىزۋ جوسپارلانبايدى. بۇل تۋرالى اۋىل شارۋاشىلىعى ءمينيسترى ەربول قاراشوكەيەۆ مالىمدەدى، دەپ حابارلايدى Almaty-akshamy.kz Eldala.kz cىلتەمە جاساپ.

قازاقستانداعى بيداي قورى بۇگىندە 7،4 ملن توننانى قۇرايدى، ونىڭ 6 ملن تونناسى – ازىق-تۇلىكتىك بيداي. سونىمەن قاتار، 144 مىڭ توننا ۇن بار، ءمينيستردىڭ ايتۋىنشا، بۇل كولەم ىشكى تۇتىنۋ ءۇشىن شامامەن 300 كۇنگە جەتەدى.

«ءبىز كەز كەلگەن جىلدارى بيداي، ۇن جانە ماكارون ونىمدەرىمەن قامتاماسىز ەتىپ كەلەمىز. 6 ملن توننا بار، بۇل تەك ىشكى قاجەتتىلىك ءۇشىن عانا ەمەس، ءبىز دە ەكسپورتتىق نارىقتارىمىزعا استىق ەكسپورتى بويىنشا ءوزىمىزدىڭ بارلىق كەلىسىمشارتتىق مىندەتتەمەلەرىمىزدى جەتكىزىپ، ورىندايتىن بولامىز»، - دەپ مالىمدەدى ەربول قاراشوكەيەۆ. 

ول قازاقستاندا استىق جانە باسقا دا ازىق-تۇلىك ونىمدەرىمەن جاعداي تولىعىمەن تۇراقتى ەكەنىن اتاپ ءوتتى.

ەستەرىڭىزگە سالا كەتەيىك، رەسەي ەاەو ەلدەرىنە، سونىڭ ىشىندە قازاقستانعا بيداي ەكسپورتتاۋعا تىيىم سالدى. وسىدان كەيىن قازاقستاندا بيداي باعاسى جوعارى كوتەرىلىپ، تونناسى 122 مىڭ تەڭگەدەن 128-130 مىڭ تەڭگەگە دەيىن ءوستى. ۇن تارتۋشىلار قر-عا استىق ەكسپورتىنا باج سالىعىن ەنگىزۋ مۇمكىندىگىن قاراستىرۋدى سۇرادى.