اۋا رايىنا بايلانىستى ەكى وڭىردە جول جابىلدى

ماماندار قازاقستاندىقتاردى الىس جولعا شىقپاۋعا شاقىردى.

قازاقستاننىڭ ەكى وبلىسىندا اۋا رايىنىڭ ناشارلاۋىنا بايلانىستى كولىكتىڭ بارلىق تۇرلەرى ءۇشىن قوزعالىس شەكتەلدى، دەپ حابارلايدى Almaty-akshamy.kz «قازاۆتوجولعا» سىلتەمە جاساپ.

اتاپ وتكەندە، اقتوبە وبلىسىنداعى سامارا-شىمكەنت تاسجولىنىڭ 526-610 شاقىرىمى، باتىس قازاقستان وبلىسى – قوبدا اۋىلى ۋچاسكەسىندە كولىكتىڭ بارلىق ءتۇرى ءۇشىن قوزعالىسقا شەكتەۋ ەنگىزىلدى.

بۇدان باسقا، باتىس قازاقستان وبلىسىندا جولدىڭ بىرنەشە ۋچاسكەسى جابىلدى. وسىلايشا، تومەندەگى تاسجولداردا كولىكتەردىڭ بارلىق تۇرلەرى ءۇشىن قوزعالىس شەكتەلگەن:

1. «سامارا-شىمكەنت» تاسجولىنىڭ 394-526 شاقىرىمدارى، جىمپيتى اۋىلى – اقتوبە وبلىسىنىڭ شەكاراسى ۋچاسكەسى


2. «سامارا-شىمكەنت» تاسجولىنىڭ 266-394 شاقىرىمدارى، پودستەپنوە اۋىلى – جىمپيتى اۋىلى ۋچاسكەسى


3. «سامارا-شىمكەنت» تاسجولىنىڭ 195-251 شاقىرىمدارى، ورال قالاسى –رف شەكاراسى ۋچاسكەسى.


4. «اتىراۋ-ورال» تاسجولىنىڭ 189-251شاقىرىمدارى، اتىراۋ وبلىسىنىڭ شەكاراسى – ورال قالاسى ۋچاسكەسى.


5. «پودستەپنوە-فەدەوروۆكا-رف شەكاراسى» تاسجولىنىڭ 0-144 شاقىرىمدارى، پودستەپنوە كەنتى – رف شەكاراسى ۋچاسكەسى.


6. «ورال-تاسقالا – رف شەكاراسى» تاسجولىنىڭ 195-251 شاقىرىمدارى، ورال قالاسى – رف شەكاراسى ۋچاسكەسى.

ەسكە سالا كەتەيىك، «قازاۆتوجول» ۇك» اق-نىڭ تەلەگرام الەۋمەتتىك جەلىسىندەگى رەسمي اككاۋنتى قۇرىلدى، وندا رەسپۋبليكالىق ماڭىزى بار باعىتتاردىڭ جابىلۋى مەن اشىلۋى تۋرالى جەدەل حابارلانادى.

قازاۆتوجول ازاماتتاردى كۇن رايىنىڭ وزگەرۋىنە باسا نازار اۋدارۋعا جانە الىس جولعا شىقپاۋعا شاقىرادى.

سونىمەن قاتار، توتەنشە جاعدايلار تۋىنداعان جاعدايدا جۇرگىزۋشىلەر مەن جولاۋشىلارعا «قازاۆتوجول» ۇك» اق تاۋلىك بويى جۇمىس ىستەيتىن call-ورتالىعىنىڭ 1403 قىسقا ءنومىرى ارقىلى حابارلاسۋ كەرەكتىگى ايتىلعان.