2021 جىلى مەملەكەت باسشىسى قازاقستان حالقىنا جولداۋىندا كەشەندى قالا قۇرىلىسىنىڭ جاڭا ستاندارتتارىن ازىرلەۋدى تاپسىرعان بولاتىن.
حالىقارالىق تاجىريبەنى ەسكەرە وتىرىپ، كەشەندى قالا قۇرىلىسىنىڭ جاڭا ستاندارتتارى ەنگىزىلەتىن بولادى، دەپ حابارلايدى Almaty-akshamy.kz ق ر يندۋستريا جانە ينفراقۇرىلىمدىق دامۋ مينيسترلىگىنە سىلتەمە جاساپ.
ستاندارت بوس ۋچاسكەلەردە جاڭا قۇرىلىس كەشەندەرىن سالۋ، بار قۇرىلىستى قايتا قۇرۋ جانە قالا اۋماعىن اباتتاندىرۋ ماسەلەلەرىن قامتيدى.
قۇرىلىس ءۇردىسى تۇرعىنداردىڭ قاۋىپسىزدىگى مەن دەنساۋلىعى سياقتى قاعيدالاردى ەسكەرە وتىرىپ، جۇزەگە اسىرىلاتىن بولادى.
باس جانە ەگجەي-تەگجەيلى جوسپارلاردى ساپالى ازىرلەۋدى، سونىمەن بىرگە ولاردى ىسكە اسىرۋدى قامتاماسىز ەتۋ ءۇشىن بارلىق دەڭگەيدەگى قالا قۇرىلىسى جوبالارىنا ءبىرىڭعاي قالا قۇرىلىسى ساراپتاماسىن ەنگىزۋ جوسپارلانىپ وتىر.
ءبىرىڭعاي قالا قۇرىلىسى ساراپتاماسىن ەنگىزۋ ساپالى جوسپارلاۋدى، باستاپقى ماتەريالداردى كەشەندى تەكسەرۋدى، قالا جوبالارىن ازىرلەۋ جانە كەلىسۋ تالاپتارىنىڭ ساقتالۋىن قامتاماسىز ەتەدى دەپ كۇتىلۋدە.
ەستەرىڭىزگە سالا كەتەيىك، 2021 جىلى مەملەكەت باسشىسى قازاقستان حالقىنا جولداۋىندا «ادامدار – ينفراقۇرىلىمعا» قاعيداتىن ساقتاي وتىرىپ، "اگلومەراسيالاردى دامىتۋ تۋرالى" زاڭدى جانە كەشەندى قالا قۇرىلىسىنىڭ جاڭا ستاندارتتارىن ازىرلەۋدى تاپسىرعان بولاتىن. بۇل - ەڭ الدىمەن، قالا قۇرىلىسىنا، قالا قۇرىلىسى ساراپتاماسى ينستيتۋتىنا، قۇرىلىس سالاسىندا online-ەسەپكە الۋ مەن تىركەۋگە جاڭا ستاندارتتاردى ەنگىزۋ.