جاعىمسىز سەناريي ىسكە اسقان جاعدايدا، 2030 جىلعا قاراي قارا بيداي شىعىمى 40%-عا دەيىن تومەندەۋى مۇمكىن
بۇل تۋرالى ق ر پرەزيدەنتى قاسىم-جومارت توقايەۆ ەلوردادا ءوتىپ جاتقان «پاريج كەلىسىمىنىڭ ماقساتتارىنا قول جەتكىزۋ جولدارى جانە قازاقستاننىڭ كومىرتەگى بەيتاراپتىلىعى» حالىقارالىق كونفەرەنسياسىندا ايتتى، دەپ حابارلايدى Almaty-akshamy.kz
مەملەكەت باسشىسى كليماتتىڭ وزگەرىسى ەلدەگى بيداي شارۋاشىلىعىنا قالاي اسەر ەتەتىنىن ايتتى.
«ورتالىق ازيا وڭىرىندەگى كليماتتىڭ جىلىنۋ جەدەلدىگى الاڭداتادى ءارى شۇعىل ارەكەتتەردى قاجەت ەتەدى. بۇل، اسىرەسە، سۋ مەن ازىق-تۇلىك قامسىزدىعىن، قاۋىپسىزدىگىن ساقتاۋ بولىگىندە وتە ماڭىزدى.
قازاقستان جىلىنا 7 ملن تونناعا دەيىن بيداي ەكسپورتتاپ، ازىق-تۇلىك بيدايى مەن ۇن وندىرۋشىلەردىڭ ءىرى وندىعىنا كىرىپ وتىر. الايدا جاعىمسىز سەناريي ىسكە اسقان جاعدايدا، 2030 جىلعا قاراي بيدايدىڭ شىعىمى 40 پايىزعا دەيىن تومەندەۋى مۇمكىن»، - دەدى مەملەكەت باسشىسى.