ەكولوگياسى ناشار قالالار 2025 جىلعا دەيىن بالامالى ەنەرگيا كوزدەرىنە كوشىرىلمەك
وسى ماسەلەگە قاتىستى ق ر پرەزيدەنتى قاسىم-جومارت توقايەۆ پىكىر ءبىلدىردى، دەپ حابارلايدى Almaty-akshamy.kz
بۇل تۋرالى ول «پاريج كەلىسىمىنىڭ ماقساتتارىنا قول جەتكىزۋ جولدارى جانە قازاقستاننىڭ كومىرتەگى بەيتاراپتىلىعى» اتتى حالىقارالىق كونفەرەنسيادا ايتتى.
«2025 جىلعا قاراي نەعۇرلىم لاستانعان 10 قالا گازداندىرىلىپ، بالامالى ەنەرگيا كوزدەرىنە اۋىستىرىلاتىن بولادى. قازاقستاننىڭ جاڭارتىلاتىن جانە بالامالى ەنەرگەتيكانى دامىتۋ ءۇشىن زور الەۋەتى بار. ءبىزدىڭ بولجامدارىمىزعا سايكەس، 2030 جىلعا قاراي ەنەرگيا تەڭگەرىمىندەگى جەك ۇلەسى كەم دەگەندە 15%-دى قۇراۋى ءتيىس»، - دەدى قاسىم-جومارت توقايەۆ.
سونداي-اق، پرەزيدەنت وسى باعىتتا قابىلدانىپ جاتقان شارالارعا توقتالدى.
«ول ءۇشىن ءبىز نورماتيۆتىك ورتانى جەتىلدىرەمىز، بارىنشا تارتىمدى جاعدايلار جاسايمىز. ءبىزدىڭ ستراتەگيالىق حالىقارالىق ارىپتەستەرىمىزبەن ءبىرقاتار جوبالارعا بەلگىلى ءبىر ءۇمىت ارتامىز. قازاقستان جاسىل قارجىلاندىرۋعا كوپ كوڭىل بولەدى – استانا حالىقارالىق قارجى ورتالىعىنىڭ بازاسىندا «جاسىل قارجى ورتالىعى» جۇمىس ىستەيدى»، - دەگەن مەملەكەت باسشىسى قازاقستاندىق «دامۋ» ينستيتۋتى بۇۇ دامۋ باعدارلاماسىمەن بىرلەسىپ «جاسىل وبليگاسيالاردى» بيرجاعا ءساتتى شىعارعانىن ەسكە سالدى. «بيىل قازاقستان قور بيرجاسىندا قازاقستانداعى بالامالى ەنەرگەتيكا نىساندارىن قارجىلاندىرۋ ءۇشىن ازيا دامۋ بانكىنىڭ جاسىل وبليگاسيالارىنىڭ 2 ءونىمى شىعارىلدى»، - دەپ تۇيىندەدى پرەزيدەنت.