جەتىسۋ وبلىسى اكىمىنىڭ وكىمىمەن ۇلان عالىم ۇلى رىسقۇل جەتىسۋ وبلىسىنىڭ دەنە شىنىقتىرۋ جانە سپورت باسقارماسىنىڭ باسشىسى بولىپ تاعايىندالدى، دەپ حابارلايدى Almaty-akshamy.kz.
ۇلان عالىم ۇلى رىسقۇل 1986 جىلى تۋعان، ءبىلىمى جوعارى. ءال-فارابي اتىنداعى قازاق ۇلتتىق ۋنيۆەرسيتەتىن قۇقىقتانۋ، د.ا.قونايەۆ اتىنداعى كولىك جانە قۇقىق گۋمانيتارلىق ۋنيۆەرسيتەتىن قارجى، ايماقتىق الەۋمەتتىك-ينوۆاسيالىق ۋنيۆەرسيتەتىن دەنە شىنىقتىرۋ جانە سپورت ماماندىقتارى بويىنشا بىتىرگەن.
دزيۋدودان قازاقستاننىڭ 3 دۇركىن چەمپيونى، ازيانىڭ ەكى دۇركىن چەمپيونى، الەم كۋبوگىنىڭ كۇمىس جۇلدەگەرى. «قازاقستان بارىسى» ءتۋرنيرىنىڭ تۇڭعىش جەڭىمپازى. قازاق كۇرەسىنەن ق ر سپورت شەبەرى.
ەڭبەك جولىن استانا قالاسىندا ق ر مادەنيەت، اقپارات جانە سپورت مينيسترلىگى سپورت ىستەرى كوميتەتىنىڭ «ۇلتتىق شتاتتىق كوماندالار جانە سپورت رەزەرۆى ديرەكسياسى» رمقك دزيۋدودان (ەرلەر) ق ر ۇلتتىق شتاتتىق كومانداسىنىڭ نۇسقاۋشى-سپورتشىسى بولىپ باستاعان.
ءار جىلداردا ق ر تۋريزم جانە سپورت مينيسترلىگىنىڭ سپورت جانە دەنە شىنىقتىرۋ اگەنتتىگىنىڭ دزيۋدودان (ەرلەر) ق ر ۇلتتىق شتاتتىق كومانداسىنىڭ نۇسقاۋشى-سپورتشىسى، «Bagueri Asia» ج ش س مەنەدجەرى، «حالىقارالىق «Qazaq kuresi» فەدەراسياسى» قاۋىمداستىق نىسانىنداعى زاڭدى تۇلعالار بىرلەستىگىنىڭ باس حاتشىسىنىڭ كەڭەسشىسى، باس حاتشىسى لاۋازىمدارىن اتقاردى.
2021 جىلدىڭ ساۋىرىنەن – الماتى وبلىسىنىڭ دەنە شىنىقتىرۋ جانە سپورت باسقارماسىنىڭ «ىلە اۋدانى بالالار مەن جاسوسپىرىمدەر سپورت مەكتەبى» كمم ديرەكتورى.