الماتىدا مەملەكەتتىك كوللەدجدەر بازاسىندا تاعى ەكى قۇزىرەت ورتالىعى اشىلدى. بۇل «قۇرىلىس» باعىتى بويىنشا قۇزىرەتتى ورتالىق - الماتى قۇرىلىس-تەحنيكالىق كوللەدجىنىڭ بازاسىندا جانە الماتى پوليگرافيا كوللەدجىنىڭ بازاسىندا باسپا-پوليگرافيا سالاسىنىڭ قۇزىرەتتىلىك ورتالىعى، دەپ حابارلايدى اlmaty-akshamy.kz.
ورتالىقتار زاماناۋي جابدىقتارمەن جابدىقتالعان. الماتى قۇرىلىس-تەحنيكالىق كوللەدجىندە 5 وقۋ-وندىرىستىك شەبەرحانا، زەرتحانا، 5 وقۋ اۋديتورياسى قاراستىرىلعان. جيھاز ءوندىرىسى ءۇشىن فورماتتى كەسۋ ماشيناسى ساتىپ الىندى، ساندىق باعدارلامالىق جاساقتاما، جيەكتەردى قاپتاۋ ماشينالارى، ۆاكۋۋمدىق پرەستەر جانە باسقا دا قاجەتتى جابدىقتار.
الماتى مەملەكەتتىك كوللەدجىندە پوليگرافيا ورتالىعى جارنامالىق، كادەسىي-سىيلىق، مەرەيتويلىق، اكسيدەنتتىك ونىمدەردىڭ كەڭ اسسورتيمەنتىن وندىرۋگە ارنالعان زاماناۋي تەحنيكامەن جابدىقتالعان. ورتالىققا 3 وقۋ-وندىرىستىك شەبەرحانا مەن 3 زەرتحانا كىرەدى. وندىرىستىك پراكتيكانى ءبىر ۋاقىتتا 500 ستۋدەنت وتكىزە الادى.
ورتالىقتىڭ اشىلۋ سالتاناتىنا الماتى قالاسى اكىمىنىڭ ورىنباسارى اسەم ءنۇسىپوۆا، ءوندىرىس وكىلدەرى، جۇمىسشى ماماندىقتارى بويىنشا حالىقارالىق كونكۋرستاردىڭ جەڭىمپازدارى جانە ت. ب. قاتىستى.
«ورتالىقتاردى اشۋدىڭ نەگىزگى مىندەتى - تجكب سالاسىندا وقىتۋ ساپاسىن ارتتىرۋ، جوعارى بىلىكتى كادرلاردى دايارلاۋ ءۇشىن جۇمىس بەرۋشىلەرمەن بايلانىستى نىعايتۋ. كوللەدج ستۋدەنتتەرى ءقازىردىڭ وزىندە Worldskills حالىقارالىق چەمپيوناتىندا جۇلدەلى ورىندارعا يە. سوندىقتان ولاردى ودان ءارى ىنتالاندىرۋ، ولاردىڭ داعدىلارىن جەتىلدىرۋ ءۇشىن تەحنولوگيالىق جاعدايلار جاساۋ قاجەت»،- دەدى الماتى قالاسى اكىمىنىڭ ورىنباسارى اسەم ءنۇسىپوۆا.
ەسكە سالايىق، قالادا مەملەكەتتىك كوللەدجدەر بازاسىندا ءتورت قۇزىرەتتى ورتالىق جۇمىس ىستەيدى. ماسەلەن، قۇزىرەتتى ورتالىقتا تۋريزم جانە قوناقجايلىلىق يندۋسترياسى كوللەدجى بازاسىندا كونديتەر-بەزەندىرۋشى، تۋريستىك اگەنت، بارمەن-باريستا جانە ت.ب. ماماندىقتار بويىنشا وقىتىلادى. قۇزىرەت ورتالىعى الماتى مەملەكەتتىك كوللەدجىنىڭ بازاسىندا تەحنيكالىق پروسەستى اۆتوماتتاندىرۋ جانە باسقارۋ، ەلەكترمەن جابدىقتاۋ، راديوتەحنيكا، ەلەكترونيكا جانە تەلەكوممۋنيكاسيا، ەنەرگەتيكا جانە ەلەكتروندىق تەحنولوگيالار سالالارىندا ماماندار دايارلايدى. ال «ازىق-تۇلىك تەحنولوگيالارى» قۇزىرەتتىلىك ورتالىعى الماتى سەرۆيستىك قىزمەت كورسەتۋ كوللەدجىنىڭ بازاسىندا ەت جانە ءتۇرلى تاماق ونىمدەرىن وندىرۋمەن، سونداي-اق قوناق ءۇي شارۋاشىلىقتارىنا قىزمەت كورسەتۋمەن بايلانىستى مامانداردى دايارلايدى. الماتى مەملەكەتتىك سەرۆيس جانە تەحنولوگيا كوللەدجىنىڭ بازاسىندا قازىرگى زامانعى ستاندارتتارعا سايكەس تىگىن ءىسى بويىنشا تاجىريبە الۋعا بولادى.
الماتى قالاسىن دامىتۋدىڭ جول كارتاسى اياسىندا 2025 جىلعا دەيىن تاعى 12 قۇزىرەت ورتالىعىن اشۋ جوسپارلانۋدا.
وسى كۇنى الماتى قۇرىلىس-تەحنيكالىق كوللەدج ستۋدەنتتەرىنە ارنالعان 60 ورىندىق جاتاقحانا اشىلدى. ستۋدەنتتەردىڭ وزدەرى جيھازدىڭ ءبىر بولىگىن دايىنداعانى ەرەكشە. جاتاقحانادا جايلى ءومىر ءسۇرۋ ءۇشىن بارلىعى بار.
