مەملەكەت باسشىسى ۇكىمەتكە مونوقالالاردىڭ كوممۋنالدىق جەلىلەرىن جوندەۋگە جۇمسالاتىن قارجى كولەمىن ارتتىرۋدى تاپسىردى، دەپ حابارلايدى Almaty-akshamy.kz.
«شاعىن قالالارداعى تاعى ءبىر ماسەلە – ينجەنەرلىك ينفراقۇرىلىمنىڭ ابدەن توزۋى. بۇل ماسەلەنىڭ شەشىمىن تابۋ ءۇشىن قوماقتى قاراجات كەرەك. ۇكىمەت مونوقالالاردىڭ كوممۋنالدىق جەلىلەرىن جوندەۋگە جۇمسالاتىن قارجى كولەمىن ارتتىرۋى قاجەت. سەبەبى، ءبىزدىڭ ازاماتتارىمىز قاي قالانىڭ تۇرعىنى بولسا دا، تازا، جاسىل جەلەككە تولى، باقۋاتتى، گۇلدەنگەن ورتادا ءومىر ءسۇرۋى كەرەك. ونى قامتاماسىز ەتۋ – مەملەكەتتىڭ مىندەتى»، - دەدى قاسىم-جومارت توقايەۆ قاراعاندى وبلىسىنىڭ جۇرتشىلىعىمەن كەزدەسۋىندە.