الماتىنىڭ الاتاۋ اۋدانىنداعى شاپاعات شاعىناۋدانىندا الاپات ءورت بولدى، - دەپ حابارلايدى اlmaty-akshamy.kz Massaget.kz-كە سىلتەمە جاساپ.
الماتى تجد مالىمەتىنشە، وقيعا 12 قازاندا 04.28 شاماسىندا بولعان. ورتسوندىرۋشىلەر 6 مينۋتتا كەلىپ، پلاستيك تەرەزە شىعاراتىن سەحتەن ءورت شىققانىن انىقتاعان. ءورت اعاش كەسۋگە ارنالعان اعاش شەبەرحاناسىنا، سونداي-اق 500 شارشى مەتر اۋماقتى الىپ جاتقان اعاش ۇيىندىلەر جينالعان تۇرعىن ءۇيدىڭ اۋماعىنا وتكەن.
ورتسوندىرۋشىلەر قاتتى جىلۋ اسەرىنەن جانە قارقىندى جانۋ جاعدايىندا جۇمىس ىستەدى.
وقيعا ورنىندا جەدەل شتاب جاساقتالىپ، سۋمەن قامتاماسىز ەتۋ جۇمىستارى جۇرگىزىلگەن. ءبىراق وقيعا ورنىندا جاناتىن اعاشتىڭ كوپ بولۋى جانە سۋدىڭ الىس ورنالاسۋى ءورت ءسوندىرۋ جۇمىسىن قيىنداتىپ جىبەرگەن.
ءورت 06.18-دە سوندىرىلگەن، ال 07.07-دە تولىق وشىرىلگەن. قازا تاپقاندار جوق.
ءورتتى سوندىرۋگە تجد 73 قىزمەتكەرى مەن 22 بىرلىك تەحنيكا، "الماتى سۋدىڭ" 2 سۋارۋ ماشيناسى جۇمىلدىرىلعان. ءورتتىڭ نەدەن شىققانى انىقتالىپ جاتىر.