قازاقستان، ءازىربايجان جانە وزبەكستان «جاسىل» ەنەرگەتيكا ەكسپورتى بويىنشا تەحنيكالىق تاپسىرما مەن بىرلەسكەن كاسىپورىن دايىنداۋ تۋرالى كەلىستى.
باكۋ قالاسىندا وتكەن ازەربايجان، وزبەكستان جانە قازاقستان ەنەرگەتيكا جانە ەكونوميكا مينيسترلەرىنىڭ ورتالىق ازيا ەلدەرىنەن ازەربايجان اۋماعى ارقىلى ەۋروپاعا ەلەكتر ەنەرگياسىن ەكسپورتتاۋ پەرسپەكتيۆالارىن تالقىلاۋ جونىندەگى كەزدەسۋىندە ءتيىستى كەلىسىمگە قول جەتكىزىلدى، دەپ حابارلايدى Almaty-akshamy.kz ق ر ەنەرگەتيكا مينيسترلىگىنە سىلتەمە جاساپ.
كەزدەسۋ قورىتىندىسى بويىنشا ۆەدومستۆو باسشىلارى بىرلەسكەن كومميۋنيكەگە قول قويدى، وندا ەلدەردىڭ جاڭارتىلاتىن ەنەرگيا سالاسىنداعى الەۋەتىن جانە بالامالى كوزدەردەن الىنعان ەلەكتر ەنەرگياسىن ەۋروپاعا ەكسپورتتاۋ جوباسىنا قوسىلۋعا دايىندىعىن اتاپ ءوتتى.
قاتىسۋشىلار جاڭارتىلاتىن ەنەرگيا كوزدەرىنە باسا نازار اۋدارا وتىرىپ، ەنەرگيا الماسۋ سالاسىنداعى، جاسىل سۋتەگى مەن جاسىل اممياكتى ازىرلەۋ جانە ەكسپورتتاۋ مۇمكىندىكتەرى جانە ىلەسپە ينفراقۇرىلىمدىق سالاسىنداعى ىنتىماقتاستىق جونىندەگى تەحنيكالىق تاپسىرمانى ازىرلەۋ ءۇشىن بىرلەسكەن جۇمىس توبىن قۇرۋ تۋرالى كەلىسىمگە كەلدى.
ازىرلەنگەن جانە بەكىتىلگەن تەحنيكالىق تاپسىرما نەگىزىندە الدىن الا تەحنيكالىق-ەكونوميكالىق نەگىزدەمەنى دايىنداۋعا تەندەر جاريالاناتىن بولادى. سونداي-اق، قاتىسۋشىلار جوبانى ىسكە اسىرۋ ءۇشىن بىرلەسكەن كاسىپورىن قۇرۋ پەرسپەكتيۆاسىن زەردەلەۋگە كەلىستى.
ەكونوميكا جانە ەنەرگەتيكا مينيسترلەرى دەڭگەيىندەگى كەلەسى كەزدەسۋ وزبەكستان رەسپۋبليكاسىنىڭ تاشكەنت قالاسىندا وتەدى.