بۇل تۋرالى ۇكىمەت وتىرىسىندا ۇلتتىق ەكونوميكا ءمينيسترى مالىمدەدى.
الىبەك قۋانتىروۆتىڭ سوزىنشە، جوعارى كورسەتكىش قۇرىلىس، ساۋدا، اقپارات جانە بايلانىس، سونداي-اق كولىك سالاسىنا تيەسىلى. ماسەلەن، جىل باسىنان بەرى ەلدە 13 ملن شارشى مەتردەن استام تۇرعىن ءۇي پايدالانۋعا بەرىلدى، دەپ حابارلايدى Almaty-akshamy.kz 24.kz-كە سىلتەمە جاساپ.
بۇل بىلتىرمەن سالىستىرعاندا شامامەن 13%-كە كوپ. جالپى مەملەكەتتىك بيۋدجەتكە 16 ترلن تەڭگەگە جۋىق كىرىس تۇسكەن. وسىلايشا، جوسپار 98%-كە ورىندالدى.
«قىزمەت كورسەتۋ سەكتورى بويىنشا ساۋدا 10%-تەن استام، بايلانىس 8% جانە كولىك سەكتورى 7%-كە ءوستى. تاۋ-كەن ءوندىرۋدى ەسەپتەمەگەندە نەگىزگى كاپيتالعا سالىنعان ينۆەستيسيالاردىڭ ءوسۋى 17،5% بولدى. بارلىق نەگىزگى كورسەتكىشتەر بويىنشا اباي، باتىس قازاقستان، جەتىسۋ، قىزىلوردا وبلىستارىندا جانە الماتى قالاسىندا كورسەتكىشتەر جاقسى. جىل سوڭىنا دەيىن بارلىق وڭىرلەر الەۋمەتتىك-ەكونوميكالىق دامۋدىڭ نىسانالى كورسەتكىشتەرىنە قول جەتكىزۋى ءتيىس»، - دەيدى ق ر پرەمەر-مينيسترى ءاليحان سمايىلوۆ.