حانچجوۋ قالاسىندا ءوتىپ جاتقان ءحىح جازعى ازيا ويىندارىندا ۇلتتىق قۇراما قورجىنى ۋشۋ سپورتىنىڭ جۇلدەسىمەن تولىقتى، دەپ حابارلايدى ق ر تۋريزم جانە سپورت مينيسترلىگى سپورتتى دامىتۋ ديرەكسياسىنىڭ باسپا ءسوز قىزمەتى.
ۋشۋدىڭ ساندا باعدارلاماسىندا ايان تۇرسىن قولا جۇلدەگەر اتاندى. ول 52 كەلىگە دەيىنگى سالماقتىڭ جارتىلاي فينالىندا جارىس قوجايىنى يۋەياو ليگە ەسە جىبەردى.
قىتايدىڭ ۇلتتىق سپورتى – ۋشۋدىڭ ساندا ءتۇرى ازيا ويىندارىنىڭ باعدارلاماسىندا 1998 جىلدان (ەرلەر) بار. ايەلدەردىڭ باسەكەسى 2010 جىلى قوسىلدى. ايەلدەر ەكى سالماق (52، 60)، ەرلەر بەس سالماقتا (56، 60، 65، 70، 75) جۇلدەلەردى ساراپقا سالادى.