حالىق مەملەكەت باسشىسىنىڭ جولداۋدا جۇكتەگەن تاپسىرمالارى جۇزەگە اسادى دەگەن سەنىممەن تاڭداۋ جاسادى.
پرەزيدەنت جانىنداعى ستراتەگيالىق زەرتتەۋ ينستيتۋتىنىڭ وكىلدەرى مەن ساراپشىلار وسىنداي پىكىردە. ولار اتالعان باعىتتار بويىنشا جۇمىستار جالعاسىن تابۋ كەرەك دەپ ەسەپتەيدى، دەپ حابارلايدى Almaty-akshamy.kz.
«Exit-poll بۇل - الەمدىك تاجىريبە جانە دە ورتالىق سايلاۋ كوميسسياسىنىڭ رەسمي مالىمەتتەرى شىققانعا دەيىنگى العاشقى ناتيجەلەرى بولىپ تابىلادى. مەنىڭ ويىمشا، توقايەۆقا داۋىس بەرگەن سايلاۋشىلاردىڭ كۇتەتىن ناتيجەسى وسى كەزدە بولىپ جاتقان وزگەرىستەردى حالىق جالپى قولدايدى دەگەن ءسوز»، - دەيدى ق ر پرەزيدەنتى جانىنداعى ستراتەگيالىق زەرتتەۋ ينستيتۋتىنىڭ الەۋمەتتىك زەرتتەۋ ءبولىمىنىڭ مەڭگەرۋشىسى سالتانات امانگەلدى قىزى.
دەپۋتاتتار مەن مادەنيەت سالاسىنىڭ وكىلدەرى دە Exit-poll-دىڭ ناتيجەسىن جىلى قابىلدادى. "ەندى ساياسي ناۋقاننان كەيىن ەل تۇرعىندارىنىڭ ادىلەتتى قوعامعا قاراي بەت بۇرۋى، جاستار ساياسي-قوعامدىق ومىردەن ورنىن ايقىنداپ، ەلدىڭ بولاشاقتاعى ساياسي ومىرىنە بەلسەنە ارالاسۋىنا مۇمكىندىك ارتا تۇسەدى"، - دەدى ولار.