قازاقستان اۆتورلار قوعامى اشىق سيفرلىق جۇيەمەن جۇمىس ىستەيدى. جاقىندا رەسپۋبليكالىق قوعامدىق بىرلەستىك، وزدەرىنىڭ رەسمي سايتىندا جەكە كابينەت قىزمەتىن ىسكە قوستى. وندا اۆتور ءوزىنىڭ شىعارماسى قاي جەردە ورىندالعانىن جانە وعان قانشا سىياقى تولەنگەنىن كورە الادى. بۇل تۋرالى بىرلەستىك جيىنىندا ايتىلدى،-دەپ حابارلايدى Almaty-akshamy.kz. 24.kz-كە سىلتەمە جاساپ.
وسى ءىستىڭ باسى-قاسىندا جۇرگەندەردىڭ ايتۋىنشا، «اۆتورلىق جانە ساباقتاستىق تۋرالى» زاڭدا، قالام-اقى ءبىر جىلدا ەڭ كەمى 3 رەت بەرىلۋ كەرەك دەلىنگەن. ونى اي سايىن بەرۋگە دە بولادى. ءبىراق قالاماقىنى جالاقى العانداي، الىپ تۇرام دەگەن قاتە تۇسىنىك. مولشەرى ايلىق ەسەپتىك كورسەتكىشكە جانە شىعارمانىڭ ورىندالۋىنا بايلانستى بولادى. باسقوسۋدا سونداي-اق باسشىلىق قۇرام اۋىستى.
بۇعان دەيىن ءتوراعا قىزمەتىن اتقارىپ كەلگەن بالنۇر قىدىربەكتىڭ ورنىنا بايعالي ەسەنالييەۆ سايلاندى. ال باس ديرەكتور قىزمەتىنە مامىتحان مۇقان كەلدى.
- كەيبىرەۋلەر ملنعا جۋىق الادى. كەيبىرەۋلەرى ەشتەڭە المايدى. ونىڭ ۇستىنە نەشە ءتۇرلى جاعداي بار. ماسەلەن، قازاق راديوسىنان مەنىڭ شىعارمالارىم 112 رەت بەرىلىپتى. سونىڭ بار سىياقىسى 1800 تەڭگە. ونىڭ ءوزىنىڭ مەملەكەت بەكىتكەن مولشەرى بار. ولشەمى بار. ونىڭ ۇستىنە ەفير دەگەن كوپ قوي. ورىندايتىن ادام دا كوپ. شىعىن كوپ. تۇسكەن اقشانى بارىنە بولگەندە تيىن تەبەن بولادى،-دەيدى كومپوزيتور بالنۇر قىدىربەك.
قازاقستان اۆتورلار قوعامىنا، ءقازىر 5 مىڭعا جۋىق ادام مۇشە.
«بىزدە 12 اۆتورلار قوعامى، 9 جاۋاپكەرشىلىگى شەكتەۋلى سەرىكتەستىك بار. وسىلاردىڭ بارلىعى قالاماقى جينايدى. اۆتورلىق جانە ساباقتاستىق تۋرالى زاڭ بويىنشا توو، جشب ول قالاماقى جيناي المايدى. ءبىراق بىزدە وسىعان تيەسىلى مينيسترلىك ليسەنزيا بەرگەن عوي. وسى جەردە ارينە ولاردىڭ قالاماقى مولشەرى ازايادى»،-دەدى اقىن، كومپوزيتور بەكجان اشىربايەۆ.