اق قايىڭنىڭ كوز جاسى قانشا تۇرادى؟

سولتۇستىك قازاقستان وبلىسىندا تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ ماماندارى تۇرعىنداردى ورمانعا بارىپ قايىڭ شىرىنان الۋ زاڭسىز ەكەنىن ەسكەرتتى.

ونى ەلەمەگەندەرگە 10 اەك مولشەرىندە ايىپپۇل سالىنادى، دەپ حابارلايدى Almaty-akshamy.kz قازاقپاراتقا سىلتەمە جاساپ. 

سقو تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ مالىمەتىنشە، كۇننىڭ جىلىنۋىمەن اعاشتاردا ءسول ءجۇرۋ كەزەڭى باستالادى.

قايىڭ شىرىنىن ۇناتاتىندار مۇندايدا بالتا-پىشاقپەن قارۋلانىپ، ورمانعا بارادى. ءبىراق، بۇل – زاڭسىز.

«وكىنىشكە قاراي، حالىقتىڭ جەكەلەگەن ساناتىنىڭ تۇتىنۋشىلىق قۇمارلىعى كوبىنەسە سانا مەن جاۋاپكەرشىلىك سەزىمىنەن باسىم بولادى، سالدارىنان قورشاعان ورتاعا ايتارلىقتاي زيان كەلتىرەدى. قايىڭ شىرىنى قىسقى ۇيقىدان اعاشتىڭ ويانىپ، ءوسىپ، جاپىراقتارى گۇلدەنۋى ءۇشىن بۇتاقتارعا قاجەتتى قورەكتىك زاتتاردى جەتكىزەدى. اعاشتىڭ قابىعىن ارشىپ، شىرىنىن اعىزعاننان كەيىن ولاردىڭ كوپشىلىگى اۋرۋعا شالدىعادى، وسىمدىكتەردىڭ ءقاۋىپتى اۋرۋلارى وسى جارالار ارقىلى اعاشقا ەنەدى، تەز ءشىريدى»، - دەيدى باسقارمانىڭ ءبولىم مامانى ساۋلە سۇلەيمەنوۆا.

مەملەكەتتىك ورمان قورى ۋچاسكەلەرىندە قايىڭنىڭ اعاش شىرىنىن دايىنداۋ جوسپار بويىنشا جۇرگىزىلىپ، جاقىن ارادا كەسىلەتىن، پىسىپ-جەتىلگەن اعاشتاردا جۇرگىزىلەدى.

«شايىردى، اعاش شىرىنىن، قوسالقى رەسۋرستاردى دايىنداۋ قاعيدالارىنا سايكەس شىرىندى كەسۋگە كەمىندە بەس جىل قالعان اعاشتاردان الۋعا بولادى. شىرىن دايىنداۋ كەزىندە زاڭدى تۇلعالار مەن جەكە كاسىپكەرلەردە مەملەكەتتىك ورمان شارۋاشىلىعى جازىپ بەرگەن ورمان بيلەتى بولۋى ءتيىس. قايىڭ شىرىنىن دايىنداۋدى جۇزەگە اسىرۋعا بولاتىن ورمان ۋچاسكەلەرى تۋرالى قاجەتتى اقپاراتتى الۋ ءۇشىن تۇرعىلىقتى مەكەنجايى بويىنشا ورمان شارۋاشىلىعىنا جۇگىنۋ قاجەت، وندا قايىڭ شىرىنىن زاڭدى تۇردە دايىنداۋ ءۇشىن قانداي رۇقسات قۇجاتتارى قاجەت ەكەنىن بىلۋگە بولادى»، - دەيدى ساۋلە سۇلەيمەنوۆا.

ماماننىڭ ايتۋىنشا، تالاپ ساقتالماعان جاعدايدا ايىپپۇل سالىنادى.

اكىمشىلىك قۇقىق بۇزۋشىلىق تۋرالى اكىمشىلىك كودەكسكە سايكەس كەسپەاعاش قورىن پايدالانۋدىڭ، سۇرەك دايىنداۋ مەن اكەتۋدiڭ، شايىر مەن اعاش شىرىنىن، قوسالقى ورمان ماتەريالدارىن الۋدىڭ بەلگiلەنگەن ءتارتiبiن بۇزعانى ءۇشىن جاۋاپكەرشىلىك كوزدەلگەن. جەكە تۇلعالارعا 10 اەك نەمەسە 34 500 تەڭگە مولشەرىندە، لاۋازىمدى تۇلعالارعا، شاعىن كاسىپكەرلىك سۋبەكتىلەرىنە 30 اەك نەمەسە 103 500 تەڭگە مولشەرىندە، ورتا كاسىپكەرلىك سۋبەكتىلەرىنە 50 اەك نەمەسە 172 500 تەڭگە مولشەرىندە ايىپپۇل قاراستىرىلعان.