5-7 قاراشا كۇندەرى ۆاشينگتون قالاسىندا (اقش) الەمدىك اۆياسيا سالاسىنداعى نەگىزگى وقيعا بولىپ تابىلاتىن جىل سايىنعى Air Traffic Control Association (ATCA) 2024 كونفەرەنسياسى ءوتتى.
ءىس-شارا شەڭبەرىندە اۆياسيالىق سالاداعى ۇزدىك جەتىستىكتەردى ءداستۇرلى تۇردە اتاپ وتەتىن بەدەلدى ATCA ماراپاتتار باعدارلاماسى قاراستىرىلدى، دەپ حابارلايدى aqshamnews.kz كولىك مينيسترلىگىنە سىلتەمە جاساپ.
ATCA ماراپاتتار باعدارلاماسى ءۇش ساناتتى قامتيدى: اۋە قوزعالىسىنا قىزمەت كورسەتۋ، يندۋستريا جانە شاعىن بيزنەس، سونداي-اق اسكەري ەڭبەك جەتىستىكتەرى. ۇيىمداستىرۋشىلار بار-جوعى 10 نوميناسيا ۇسىندى. «The David J. Hurley Memorial Award for Aviation Traffic Management» سولاردىڭ ءبىرى بولىپ تابىلادى. ول الەمدەگى اۋە قوزعالىسىنا قىزمەت كورسەتۋ سالاسىنداعى ۇزدىك جەتىستىكتەردى اتاپ كورسەتەدى. جوعارىدا اتالعان ساناتقا قاتىسۋ ءۇشىن 40-تان استام ەلدەن ءوتىنىم كەلىپ تۇسكەن.
جىل سايىنعى ATCA كونفەرەنسياسىنىڭ قورىتىندىسى بويىنشا «The David J. Hurley Memorial Award for Aviation Traffic Management» نوميناسياسىندا «قازاەروناۆيگاسيا» رمك جەڭىمپاز بولىپ تانىلدى. بۇل رەتتە، 2023 جىلى اتالعان ساناتتا اقش فەدەرالدىق ازاماتتىق اۆياسيا باسقارماسىنىڭ (FAA) وكىلدەرى ۇزدىك اتانعان بولاتىن.
«قازاەروناۆيگاسيا» رمك ماماندارى «اقتوبە اۋداندىق ديسپەچەرلىك ورتالىعىنىڭ جاۋاپكەرشىلىك ايماعىندا اۋە قوزعالىسىنا قىزمەت كورسەتۋدى جاقسارتۋ ءۇشىن ديناميكالىق سەكتورعا ءبولۋدى زەرتتەۋ جانە ازىرلەۋ» تاقىرىبىنداعى جوبانى ۇسىنىپ، ول ۇزدىك دەپ تانىلدى. عىلىمي جۇمىستىڭ اۆتورلارى «قازاەروناۆيگاسيا» رمك اۋە قوزعالىسىن ۇيىمداستىرۋ جونىندەگى دەپارتامەنتتىڭ اۋە كەڭىستىگىن ۇيىمداستىرۋ ءبولىمىنىڭ جەتەكشى ماماندارى نۇرسۇلتان تومپييەۆ، اسەت احمەتبايەۆ جانە ءمادي اسىلحانوۆ بولىپ تابىلادى.
ديناميكالىق سەكتورعا ءبولۋ اۋە كەڭىستىگىن وڭتايلاندىرۋعا، اۆياديسپەچەرلەرگە تۇسەتىن جۇكتەمەنى ازايتۋعا جانە ۇشۋ اقپاراتى اۋدانىنىڭ اۋە كەڭىستىگىندە وتكىزۋ قابىلەتىن ارتتىرۋعا مۇمكىندىك بەرەدى. جوبادا ۆورونوي دياگرامماسىنىڭ ءادىسىن پايدالانا وتىرىپ، اقتوبە ۇشۋ اقپاراتى اۋدانىنىڭ اۋە كەڭىستىگىن ۋاقىتشا ءبولۋدىڭ عىلىمي ءتاسىلى قولدانىلدى. اتالعان جوبا تابىستى iسكە اسىرىلعان جاعدايدا، الداعى ۋاقىتتا قازاقستان رەسپۋبليكاسىنىڭ اۋە كەڭiستiگiندەگi باسقا دا جاۋاپكەرشiلiك ايماقتارىندا ديناميكالىق سەكتورعا ءبولۋدى ەنگiزۋ كەزiندە وسى ءادiسنامانى قولدانۋ مۇمكiندiگى تۋىندايدى.
«قازاەروناۆيگاسيا» رمك ماماندارى قازاقستاندا العاشقى بولىپ بەدەلدى حالىقارالىق ATCA سىيلىعىن الىپ وتىر. بۇل ەلىمىزدىڭ اۆياسيا سالاسىن دامىتۋداعى جانە ونىڭ حالىقارالىق ارەناداعى پوزيسياسىن نىعايتۋداعى تاعى ءبىر ماڭىزدى قادام بولىپ تابىلادى.