WhatsApp مەسسەندجەرىندە قازاقستانعا 70 مىڭ اۋعان ازاماتى كەلەدى دەگەن جالعان اقپارات تاراپ كەتكەن ەدى.
ەلىمىزدىڭ سىرتقى ىستەر مينيسترلىگى قازاقستانعا اۋعان بوسقىندارىنىڭ كەلەتىنى، ولاردىڭ شىمكەنت قالاسى مەن تۇركىستان وبلىسىنا ورنالاساتىنى تۋرالى اقپاردى تەرىسكە شىعاردى، دەپ حابارلايدى Almaty-akshamy.kz
الەۋمەتتىك جەلىدە «بوسقىنداردىڭ 500ء-ى ۇشاقپەن شىمكەنت اۋەجايىنا كەلگەن، تاعى 1500 ادام الداعى ۋاقىتتا كەلەدى ەكەن» دەگەن قاۋەسەت تاراعان.
«بۇل اقپارات شىندىققا جاناسپايدى»، – دەپ جازىلعان ۆەدومستۆونىڭ باسپا ءسوز قىزمەتى تاراتقان حابارلامادا.
سونىمەن قاتار، مەملەكەت باسشىسىنىڭ باسپا ءسوز حاتشىسى بەرىك ءۋاليدىڭ فب پاراقشاسىنداعى جازباسى دا بۇل قاۋەسەتتى تەرىسكە شىعاردى.
«پرەزيدەنت اۋعانستان بوسقىندارى تۋرالى شەشىم قابىلداعان جوق. بۇعان قاتىستى تاراعان اقپارات نەگىزسىز. دۇنيەجۇزىلىك ۇيىم باسشىلىعى رەسمي ءوتىنىش بىلدىرگەن جاعدايدا بۇۇ قىزمەتكەرلەرىنە عانا كومەك كورسەتىلەتىن بولادى»، -دەپ جازدى پرەزيدەنتتىڭ باسپا ءسوز حاتشىسى.