الماتى تۇرعىنداردىڭ كۇندەلىكتى ءومىرىنىڭ باستى سالالارىندا سيفرلىق قىزمەتتەردىڭ قولجەتىمدىلىگى قامتاماسىز ەتىلدى. بۇل تۋرالى الماتى قالاسىنىڭ وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسى بارىسىندا سيفرلاندىرۋ باسقارماسىنىڭ باسشىسى بايان قوڭىربايەۆ مالىمدەدى دەپ حابارلايدى almaty-akshamy.kz
بايان قوڭىربايەۆتىڭ ايتۋىنشا، الماتى تمد مەن شىعىس ەۋروپا اۋماعىنداعى قالالاردىڭ كوشباسشى توبىنا كىرەدى.
«ەڭ باستىسى، سيفرلاندىرۋ تۋرالى ءسوز بولعاندا، ءبىز «الماتى - 2050» باعدارلاماسى مەن «سيفرلىق قازاقستان» باعدارلاماسى باسقارۋدىڭ ستراتەگيالىق ماقساتتارىنا سايكەس بولۋ ءتيىس ەكەنىن ءتۇسىنۋىمىز كەرەك»، - دەدى سيفرلاندىرۋ باسقارماسىنىڭ باسشىسى.
بايان قوڭىربايەۆ ونىڭ باسقارماسى ءۇشىن الماتى قالاسى تالانتتارىنىڭ سيفرلىق تەحنولوگيالار ارقىلى وزدەرىن تانىتىپ، سۇرانىسقا يە بولۋلارى ماڭىزدى ەكەنىن اتاپ ءوتتى.
«2021 جىلدىڭ قورىتىندىسى بويىنشا، ءبىز 2017 جىلدان باستاپ حالىقارالىق دەرەكتەر كورپوراسياسىنىڭ سيفرلىق جەتىلۋ رەيتينگىسىندە الماتى قالاسىنىڭ 2،7 بالل پوزيسياسىن العانىن كورەمىز. بۇل ءبىز سوڭعى ەكى جىلدا قول جەتكىزگەن وتە ۇلكەن كورسەتكىش. بۇل ماڭىزدى وقيعا. تۇسىنىكتى بولۋ ءۇشىن، 2019 جىلى ءبىز 10-شى ورىندى يەلەندىك، ال تمد-نىڭ اقىلدى قالالارى اراسىنداعى سوڭعى ناتيجەلەر بويىنشا ءبىز 2-ورىندا تۇرمىز. ياعني، ءبىز كييەۆتەن وزىپ، ماسكەۋدەن كەيىنگى ورىندامىز»، - دەدى بايان قوڭىربايەۆ.
سيفرلىق جەتىلۋ – قالانىڭ ءوز دامۋىندا سيفرلىق شەشىمدەردى ەنگىزۋگە دايىندىعىنىڭ نەگىزگى كورسەتكىشى ەكەنىن اتاپ وتكەن ءجون. سپيكەردىڭ ايتۋىنشا، سيفرلىق ترانسفورماسيا – بۇل جاھاندىق ماقسات جانە سيفرلىق جەتىلۋ، ونىڭ نەگىزگى بەلگىلەرىنىڭ ءبىرى رەتىندە، بارلىق سالالاردا بارلىق دەڭگەيدە قول جەتكىزىلۋى ءتيىس. بۇل جاعدايدا سيفرلىق ترانسفورماسيا پروسەسىن ءساتتى دەپ اتاۋعا بولادى.
«ءبىز قالانى سيفرلاندىرۋعا عانا ەمەس، تۇرعىندارىمىزعا قولايلى جاعداي جاساۋعا، تالانتتاردىڭ دامۋىنا جاعداي جاساۋعا جانە ومىرلىك بەلسەندىلىگىمىزگە جاڭا تەحنولوگيالاردى تارتۋعا ۇمتىلا باستادىق»، - دەپ جالعاستىردى بايان قوڭىربايەۆ.
باسپا ءسوز كونفەرەنسياسى بارىسىندا سيفرلاندىرۋ باسقارماسىنىڭ باسشىسى ءار ۇكىمەتتىك ۆەدومستۆو دەڭگەيىندە ساراپتامالىق كەڭەس قۇرۋ تۋرالى ايتتى.
«بۇل نەگىزگى ءتورت باعىت: ينفراقۇرىلىمدىق جوبالار، قالالىق باستامالار، مەملەكەتتىك قىزمەتتەردى باعالاۋ، سونداي-اق الماتى قالاسىنىڭ اكىمى باقىتجان ساعىنتايەۆتىڭ باستاماسىمەن قۇرىلعان اT-كەڭەس»، - دەپ اتاپ ءوتتى بايان قوڭىربايەۆ.
الماتىنى سيفرلاندىرۋدىڭ نەگىزگى جەتىستىكتەرى تۋرالى ايتقان سپيكەر مەگاپوليستىڭ بەس جەتىستىگىن ەسكە الدى. بۇل تىزىمدە ءبىرىڭعاي دەرەكتەر بازاسى، ءبىرىڭعاي كوممۋنيكاسيالىق كەڭىستىك، شالعاي اۋدانداردا اكت-نى ينفراقۇرىلىمدىق دامىتۋ، قالا اۋداندارىن ەكونوميكالىق كلاستەرلەۋ جانە Smart City Accelerator بار.
ب. قوڭىربايەۆ ءوز سوزىندە ءبىرىڭعاي دەرەكتەر بازاسىنىڭ جوباسى تۋرالى كەڭىنەن ايتتى. ونىڭ كومەگىمەن مەملەكەتتىك ورگاندار، كوممەرسيالىق ۇيىمدار مەن اكادەميالىق ينستيتۋتتار دەپەرسونالدىرىلعان دەرەكتەرمەن الماسا الادى. سيفرلاندىرۋ باسقارماسىنىڭ باسشىسى ءبىرىڭعاي دەرەكتەر بازاسىن ازىرلەگەن كەزدە ۇلتتىق جانە جەرگىلىكتى دەڭگەيدە مەملەكەتتىك ورگانداردىڭ دەرەكتەرمەن الماسا الاتىن سينگاپۋر تاجىريبەسىن قولدانعاندارىن ايتتى.
«ءبىز پلاتفورمانى ىسكە قوستىق جانە ول ءوزىن جاقسى كورسەتتى. «الماتى سۋ»، جىلۋ جەلىلەرى مەن باسقا دا كوممۋنالدىق قىزمەتتەر ءبىرىڭعاي ستاندارت بويىنشا مالىمەتتەر بازاسىنىڭ فورماتىن جۇرگىزە باستادى. بۇل شىن مانىندە ۇلكەن جەتىستىك»، - دەپ اتاپ ءوتتى بايان قوڭىربايەۆ.
جالپى العاندا، قالالىق پروسەستەردى سيفرلاندىرۋ ولاردى باسقارۋدىڭ راسيوناليزاسياسىنا اكەلەدى، بۇل الماتىلىقتاردىڭ ءومىر ساپاسىنا وڭ اسەر ەتەدى، دەپ قورىتىندىلادى سپيكەر. 2021 جىلدىڭ سوڭىنا قاراي سيفرلاندىرۋ باسقارماسى ءبىلىم، دەنساۋلىق ساقتاۋ جانە الەۋمەتتىك قورعاۋعا قاتىستى دەرەكتەردى جيناۋدى جوسپارلاپ وتىر. بۇل مەملەكەتتىك ورگاندارعا جالپى فورماتتا قانداي ماسەلەنى باستى نازاردا ۇستاۋعا بولاتىنىن كورسەتەدى.