قازاقستان 87 ەلدىڭ ىشىندە جيىرمالىقتا تۇر.
News & World Report الەم ەلدەرى اسكەرىنىڭ الەۋەتىنە زەرتتەۋ جۇرگىزدى. ناتيجەسىندە قازاقستان 87 ەلدىڭ ىشىندە 19-قاتارعا، وزبەكستان (18ء-شى ورىن) مەن ءباا (20-شى ورىن) ورتاسىنا ورنالاستى، دەپ حابارلايدى Almaty-akshamy.kz.
اسكەر كۇشىنىڭ رەيتينگى — ەلدىڭ قۋاتىن انىقتايتىن نەگىزگى التى كورسەتكىشتىڭ ءبىرى.
اسكەرى ەڭ كۇشتى ەل رەسەي بولىپ قالا بەرمەك، ودان كەيىن ورىندا اقش بولسا، ۇزدىك ۇشتىكتى جۇڭگو تۇيىندەدى. يزرايل 4ء-شى، ۋكراينا 6-شى قاتاردا تۇرعانىن دا ايتا كەتكەن ءجون.
ولاردان بولەك اسكەرى مىقتى 10 ەلدىڭ قاتارىنا وڭتۇستىك كورەيا، يران، ۇلىبريتانيا، گەرمانيا مەن تۇركيا ەنگەن.
رەيتينگتە بەلارۋس ەلى 12-ورىندا، ازەربايجان 24ء-شى ورىندا ەكەنىن ايتا كەتەيىك.
ەڭ ءالسىز اسكەر ليۋكسەمبۋرگ، سينگاپۋر مەن ەستونيادا بولىپ شىقتى.
رەيتينگ الەمنىڭ 36 مەملەكەتىندەگى 17،2 مىڭ ادامنان ساۋالناما الۋ ارقىلى جاسالدى.
ەلدەر 73 ءتۇرلى كريتەريي ارقىلى باعالاندى.
وزبەكستان اسكەر كۇشى بويىنشا قازاقستاننان 0،2 ۇپايعا الدا، ياعني 16 جانە 15،8 ۇپاي.
دەگەنمەن بۇعان دەيىن قازاقستان ەكى جىل قاتارىنان كورشىسىنەن باسىم بولعان: 2021 جىلى — 25،6 جانە 21،5 بولسا، 2022 جىلى — 12،6 جانە 10،8 ۇپاي.
ستوكگولم الەم ماسەلەلەرىن زەرتتەۋ حالىقارالىق ينستيتۋتىنىڭ (SIPRI) دەرەگىنشە، اقپارات ۇسىنعان وا ەلدەرىنىڭ ىشىندە قازاقستاننىڭ اسكەري بيۋدجەتى ەڭ جوعارى ەكەن.
ماسەلەن، 2022 جىلى ول 1،1 ملرد اقش دوللارىنا جەتسە، قىرعىزستان مەن تاجىكستاندا بۇل كورسەتكىش 149،8 ملن جانە 103،5 ملن اقش دوللارى بولدى.
وعان قوسا قازاقستان اسكەري قاجەتتىلىك شىعىنىن 1،2 ترلن تەڭگەگە (قازىرگى كۋرس بويىنشا 2،4 ملرد اقش دوللارى) دەيىن ارتتىرۋدى كوزدەپ وتىر.