كونستيتۋسيالىق رەفورمالار ءىس جۇزىندەگى فازاسىنا ەندى. بۇل تۋرالى قازاقستان حالقى اسسامبلەياسىنىڭ «ەل بىرلىگى – جاڭارعان قازاقستاننىڭ تىرەگى» اتتى ءحححى سەسسياسىندا مەملەكەت باسشىسى قاسىم-جومارت توقايەۆ ايتتى، دەپ حابارلايدى اlmaty-akshamy.kz.
«قوعام ەلىمىزدى جاڭعىرتۋ پروسەسىنە قاتىستى وزەكتى ماسەلەلەردى بەلسەندى تۇردە تالقىلاپ جاتىر جانە بۇل دۇرىس تا. پىكىرتالاس تۇبەگەيلى ساياسي ترانسفورماسيا مەن ەكونوميكالىق رەفورمالارعا باعىتتالعان باعداردىڭ تالاپ ەتىلەتىندىگىن دالەلدەيدى»، - دەپ اتاپ ءوتتى مەملەكەت باسشىسى.
پرەزيدەنت اسسامبلەيا سەسسياسىن جاڭا فورماتتا وتكىزۋگە نيەت تانىتقانداردىڭ بارىنە ءسوز سويلەۋگە مۇمكىندىك بەرگەنىن ايتتى.
«كەشە جالپى تالقىلاۋ بارىسىندا اسسامبلەيا مۇشەلەرى ۇيىمىمىزدىڭ قازىرگى كۇن ءتارتىبىن جان-جاقتى تالقىلادى. ايتىلعان ۇسىنىستاردىڭ بارلىعى ءجىتى زەردەلەنىپ، ولاردىڭ ءارقايسىسى بويىنشا ناقتى شەشىم قابىلدانادى. مەنىڭ ناۋرىزداعى جولداۋىمدى جۇزەگە اسىرۋ باستالىپ كەتتى. كونستيتۋسيالىق رەفورمالار ءىس جۇزىندەگى فازاسىنا ەندى. جۇرگىزىلىپ جاتقان رەفورمالارعا الەۋمەتتىك قولداۋدى كەڭەيتۋ جانە نىعايتۋدا اسسامبلەيا ۇلكەن ءرول وينايدى جانە دە اسسامبلەيا مەنىڭ ءۇمىتىمدى اقتايدى»، - دەدى پرەزيدەنت.