كوميسسيا مۇشەلەرى بۇل ۇسىنىستى قولدادى
ق ر پرەمەر-مينيسترى ءاليحان سمايىلوۆ قورعانىس ونەركاسىبى ماسەلەلەرى جونىندەگى كوميسسيانىڭ وتىرىسىن وتكىزدى، دەپ حابارلايدى Almaty-akshamy.kz.
ۇكىمەتتىڭ Telegram پاراقشاسىنداعى مالىمەتكە سەنسەك، قاتىسۋشىلار يندۋستريا جانە ينفراقۇرىلىمدىق دامۋ مينيسترلىگىنىڭ قارۋ-جاراق، اسكەري تەحنيكا جانە اسكەري ماقساتتاعى ءونىم ەكسپورتىن 2023 جىلدىڭ تامىز ايىنىڭ سوڭىنا دەيىن توقتاتا تۇرۋ تۋرالى ۇسىنىسىن قاراعان.
كوميسسيا مۇشەلەرى بۇل ۇسىنىستى قولدادى.
بۇدان باسقا، ليسەنزيالارى بار زاڭدى تۇلعالارعا تەكسەرۋ جۇرگىزۋ جانە «رۇقساتتار جانە حابارلامالار تۋرالى» زاڭعا وزگەرىستەر ەنگىزۋ جونىندەگى جوسپارلار تالقىلاندى.