رەسپۋبليكادان جينالعان 28 فيناليست ءتاج ءۇشىن كۇرەسەدى
«قازاقستان ارۋى - 2021» بايقاۋىنىڭ رەسمي سايتىندا حالىقتىق داۋىس بەرۋ باستالدى، - دەپ حابارلايدى Almaty-akshamy.kz Tengrinews.kz-كە سىلتەمە جاساپ.
ءبىرىنشى ونلاين-داۋىس بەرۋ جەڭىمپازدارى اۆتومات تۇردە فيناليستەر قاتارىنا كىرەدى. وسىلايشا، بيىل سۇلۋلىق بايقاۋىنا ءبىرىنشى رەسمي قاتىسۋشىنى حالىق جانە 14 ءفيناليستى قازىلار القاسى مۇشەلەرى تاڭدايدى. تاعى ءبىر فيناليست تالانتتار بايقاۋىنىڭ جەڭىمپازى بولادى.
بيىل قازىلار القاسىنىڭ مۇشەلەرى: ءانشى ءمادينا ءسادۋاقاسوۆا، اكتەر تاۋەكەل ءمۇسىلىم، ستيليست جانە Kazakhstan Fashion Week نەگىزىن قالاۋشى الەكسەي چجەن، «قازاقستان ارۋى - 2013» جانە تەلەجۇرگىزۋشى ايداي يسايەۆا، پۋبليسيست ۆيكتوريا مومىنبايەۆا، Effective Media Liaison ج ش س ديرەكتورى (Tengrinews.kz، Vesti.kz، Massaget.kz) سۇڭقار قارابالين، قوعام قايراتكەرى سوۆەت سەيىتوۆ، «قازاقستان ارۋى» ديرەكتورى الەنا قىرباسوۆا جانە قازىلار القاسىنىڭ ءتوراعاسى - الەمگە ايگىلى سكريپكاشى مارات بيسەنعالييەۆ.
بايقاۋدىڭ اشىقتىعىن قامتاماسىز ەتۋ ءۇشىن قازىلار القاسى گراند-فينالعا وتەتىن 5 ارۋدى تاڭدايدى. ولار ءوزى تۋرالى ايتىپ بەرەدى. ودان ءارى تىكەلەي ەفيردە تاعى ءبىر داۋىس بەرۋ جۇرەدى، وندا قازاقستاندىقتار بەس ارۋدىڭ ىشىنەن جەڭىمپازدى تاڭدايدى.
25-رەت وتكەلى تۇرعان «قازاقستان ارۋى» بايقاۋىنىڭ فينالى 16 قاراشادا وتەدى. وندا بۇكىل رەسپۋبليكادان جينالعان 28 فيناليست ءتاج ءۇشىن كۇرەسەدى.
تىكەلەي ەفير «قازاقستان ارۋى» بايقاۋىنىڭ رەسمي YouTube-ارناسىندا كورسەتىلەدى.