بۇل تۋرالى سىرتقى ىستەر ءمينيسترى مۇحتار تىلەۋبەردى مالىمدەدى.
ارمەنياعا قازاقستاننان بىتىمگەرلەر جىبەرۋ ماسەلەسى ازىرگە قاراستىرىلىپ جاتقان جوق، دەپ حابارلايدى Almaty-akshamy.kz
«ءقازىر مۇنداي ماسەلە قاراستىرىلىپ جاتقان جوق»، - دەدى مينيستر.
ول قازاقستان شەكارانى دەماركاسيالاۋ بويىنشا ءوز تاجىريبەسىمەن بولىسۋگە دايىن ەكەنىن اتاپ ءوتتى.
«ءازىربايجان مەن ارمەنيا اراسىنداعى شەكارا دەليميتاسيالانباعان، دەماركاسيالانباعان. سول سەبەپتى شەكارانىڭ بۇزىلعانى تۋرالى ايتۋ قيىن. ءقازىر باستى مىندەت - ءارميان-ازىربايجان شەكاراسىن دەليميتاسيالاۋ جانە دەماركاسيالاۋ بويىنشا بىرلەسكەن كوميسسيانىڭ جۇمىسىن جانداندىرۋ كەرەك. قازاقستان ءوز تاجىريبەسىمەن بولىسۋگە دايىن»، - دەدى تىلەۋبەردى.
ونىڭ ايتۋىنشا، ۇقشۇ باس حاتشىسى ەكى ەلدىڭ شەكاراسىنا بارىپ، جاعدايدى باقىلاپ، مەملەكەت باسشىلارىنا حابار بەرەدى.