جولداۋعا ءۇن قوسۋ.
پرەزيدەنتتىڭ حالىققا جولداۋىنا قاتىستى ءار سالانىڭ ماماندارى ءوز ويلارىن ورتاعا سالىپ، ءۇن قوسۋدا. ق ر ۇعا اكادەميگى ءابدىراسىل جارمەنوۆ تە ماڭىزدى قۇجاتتا ايتىلعان، جولداۋدا ءوز كوڭىلىنەن شىققان كەي تۇستارعا توقتالىپ ءوتتى.
«عىلىمدا ەگەر يننوۆاسيانى دامىتۋعا مەكەمەلەر قارجى ءبولىپ جاتسا، ونى سالىقتان بوساتۋ كەرەك دەگەن بۇرىننان ويىمىزدا جۇرگەن بولاتىن. سونى جولداۋدا ءبىزدىڭ پرەزيدەنتىمىز اشىپ ايتتى. سودان كەيىن ماعان تاعى ءبىر ۇناعان جەرلەرى - قۇقىق قورعاۋ ورگاندارى مەن سوتتاردىڭ جۇمىسىن قالىپقا كەلتىرۋ، سوتتاردىڭ بىر-بىرىنە باعىنىشتىلىعىن ازايتۋ. بىزگە دە وتە وزەكتى ماسەلە. سەبەبى ءبىز كوپ جاعدايدا سوتتاسۋعا ءماجبۇرمىز. ەندى سول سۇراقتاردى قيىندىقسىز شەشۋگە بولاتىن سياقتى. مىناۋ ۇكىمەت پەن مينيسترلىكتەر اراسىنداعى نەمەسە مينيسترلىك پەن مەكەمەنىڭ اراسىنداعى تۇسىنىسپەۋشىلىك بولسا، ونى سوتقا بەرمەۋ، سول ۇكىمەتتىڭ، مينيسترلىكتىڭ دەڭگەيىندە شەشۋ كەرەكتىگى دە ءبىزدىڭ جۇمىسىمىزعا وڭ اسەر ەتەدى دەپ ويلايمىن»، - دەيدى ق ر ۇعا اكادەميگى ءابدىراسىل جارمەنوۆ.