قازاقستاندا العاش رەت، ونىڭ ىشىندە ارۋ الماتىدا ALMATY CIRCUS FESTIVAL Iء-شى حالىقارالىق سيرك ونەرى فەستيۆالى ۇلكەن تابىسپەن ءوتتى. بۇل مادەني شارا بيىلعى جازدىڭ ەڭ جارقىن وقيعاسى بولدى، دەپ حابارلايدى almaty-akshamy.kz
كورەرمەندەر الدىندا تەك قازاقستاننان عانا ەمەس، گەرمانيا، ۆەتنام، ەفيوپيا، ياكۋتيا، ۋكراينا، بەلارۋس، رەسەي، ۇلىبريتانيا، ليتۆا، چەحيا، وزبەكستان، قىرعىزستان جانە تاجىكستاننان كەلگەن ارتىستەر ونەر كورسەتتى. قازاقستاندىق ارتىستەر "قۇرمەت" وردەنىنىڭ يەگەرى قاناتبەك كۇنعوجينوۆ جەتەكشىلىك ەتكەن "Nomad" اتتى اكروباتيكالىق ءنومىردى – كەرەمەت سيرك سپەكتاكلىن ۇسىندى. بۇل ءنومىردىڭ بىرەگەيلىگىن قازاقستاندىق اۋديتوريا دا، شەتەلدىك ارتىستەر دە جوعارى باعالادى. ناتيجەسىندە وتاندىق ارتىستەر گران-پري مەن كۇمىس جۇلدەنى (ادلەت تيكانوۆتىڭ جەتەكشىلىگىمەن "قوس دىڭگەكتەگى اكروباتتار" ءنومىرى بار "Hassak" توبى) جەڭىپ الىپ، وزدەرىن بۇكىل الەمگە تانىتتى، ال شەتەلدىك قاتىسۋشىلار وزدەرى ءۇشىن قازاقستان مەن قازاقستاندىق كورەرمەندى اشتى.
التىن جۇلدەنى ۆەتنامنان ("Moment Of Love" ءنومىرى بار اۋە گيمناستتارى) جانە رەسەي فەدەراسياسىنان (رومان رومانوۆتىڭ جەتەكشىلىگىمەن ياكۋتيادان كەلگەن جونگلەرلەر تريوسى جانە سەرگەي سوپرىكيننىڭ جەتەكشىلىگىمەن تاقتايشالارداعى اكروباتتار) كەلگەن سيرك ارتىستەرى يەلەنسە، قازاقستاندىق ونەرپازداردان وزگە كۇمىس جۇلدەنى وزبەكستاندىق سيركشىلەر (رۋستام حامەتوۆتىڭ جەتەكشىلىگىمەن ارقانمەن جۇرەتىن "پەرعاۋىن" ءنومىرى) جانە ۆەتنامدىق ارتىستەر (چۋ تحي حان حۋەن "قىلىشپەن اۋە تەپە-تەڭدىگى"، جەتەكشىسى تونگ توان تانگ) يەلەندى، ال قولا جۇلدەمەن گەرمانيادان،(تۋرنيكتەگى اكروباتتار سەرگەي جانە ولگا روكاشكوۆتار)، بەلارۋستان (ەگور كوۆالەنكو)، تاجىكستاننان ("اريي ءتاجى" - الماسحون يلياسوۆتىڭ باسشىلىعىمەن پەرشتەردەگى ەكۆيليبريستەر) جانە ليتۆادان (الەكسەي تەسلين) كەلگەن ارتىستەر ماراپاتتالدى. بارلىق قاتىسۋشىلار ءرتۇرلى جانرداعى قىزىقتى بىرەگەي نومىرلەردى ۇسىندى.
نومىرلەردىڭ ءارقايسىسى سيرك فەستيۆالدەرىنە باعا بەرۋدىڭ حالىقارالىق جۇيەسى بويىنشا باعالاندى. قازىلار القاسى ەكى پارامەتر بويىنشا 0-دەن 10-عا دەيىن ۇپاي بەردى: 10 ۇپاي – شەبەرلىك ءۇشىن ەڭ جوعارى ۇپاي، ال قالعان 10 ۇپاي-شەبەرلىك، سۇلۋلىق جانە ەستەتيكا ءۇشىن ەڭ جوعارى ۇپاي. ءبىر جيۋريدەن ءارتىستىڭ الاتىن ەڭ جوعارى باللى – 20 بالل. بۇل باعالاۋ جۇيەسى بارلىق الەمدىك سيرك الاڭدارىندا قولدانىلادى. ەڭ كوپ ۇپاي جيناعان ءارتىس گران-پري جەڭىپ الادى. سونداي-اق، فەستيۆالدە ءۇش جۇلدەلى ورىن بەلگىلەندى (ءبىرىنشى، ەكىنشى جانە ءۇشىنشى). ال شەتەلدىك سيرك الاڭدارىندا قوسىمشا نوميناسيالار بويىنشا ارنايى سىيلىقتار دايىندالدى.
قازىلار القاسىنىڭ قۇرامىنا حالىقارالىق سيرك الاڭدارىنىڭ وكىلدەرى ەندى. ال فەستيۆالدىڭ باس رەجيسسەرى رەسەيدەن ارنايى شاقىرىلعان ساراپشى،ۋدمۋرت رەسپۋبليكاسىنىڭ حالىق ءارتىسى ەلەنا پەتريكوۆا بولدى.
"بۇل – الماتى قالاسىندا اكىمدىكتىڭ قولداۋىمەن وتكەن العاشقى فەستيۆال جانە بۇل - الماتى مەن قازاقستان ءۇشىن وتە ۇلكەن قادام جانە ۇلكەن جەتىستىك. فەستيۆالگە قازىلىق ەتۋگە سيرك ونەرىنىڭ اسقان دارىندارى، الەمدىك سيرك ونەرىنىڭ كورنەكتى قايراتكەرلەرى شاقىرىلدى. سونداي-اق عاجاپ سيرك نومىرلەرى ۇسىنىلدى. مەن جۇلدەگەرلەردى تاڭداۋعا قاتىسقان جوقپىن، بۇل قازاق مەملەكەتتىك سيركى كومانداسىنىڭ ەڭبەگى"، - دەدى ەلەنا پەتريكوۆا.
Almaty CIRCUS FESTIVAL قاتىسۋعا وتىنىمدەردى قابىلداۋدىڭ العاشقى كۇندەرىندە الەمنىڭ تۇكپىر-تۇكپىرىنەن كەرەمەت وتىنىمدەر ءتۇستى. جوبا رەجيسسەرلەرىنىڭ الدىندا كۇردەلى تاڭداۋ بولدى. قازاق مەملەكەتتىك سيركىنىڭ باس رەجيسسەرى مارينا مارات قىزى فەستيۆالگە قاتىسۋشىلاردى تاڭداعاندا، ءبىرىنشى كەزەكتە رەجيسسەرلىك توپ ولاردىڭ شەبەرلىگىنە، ارتىستىگىنە، جاڭالىعىنا نازار اۋداردى. بۇرىندارى الماتىداعى سيرك مانەجىندە ۇسىنىلماعان نومىرلەر تاڭدالدى.
ايتا كەتەرلىگى، قازىلار القاسى فەستيۆالدى ۇيىمداستىرۋدىڭ ساپاسىن دا ەرەكشە باعالادى. سيرك شوۋلارىنىڭ قويۋشى-رەجيسسەرى انتونيو دجارولانىڭ ايتۋىنشا، عيماراتتىڭ ينفراقۇرىلىمى مەن مانەجى سيرك ارتىستەرى ءۇشىن بارلىق حالىقارالىق تالاپتارعا سايكەس بولدى.
"ءبىز قازاقستاندا بولعانىمىزعا جانە وسىنداي ۇلكەن شوۋدى تاماشالاعانىمىزعا قۋانىشتىمىز. سيرك عيماراتىنىڭ ارحيتەكتۋراسىنىڭ ءوزى ەرەكشە جانە ءبىز ءۇشىن وسىنداي ماڭىزدى تاريحي ارەنادا ونەر كورسەتۋ ۇلكەن مارتەبە. تەحنيكالىق قامتاماسىز ەتۋ، جارىق جانە دىبىستىق جابدىقتار باسقا الەمدىك الاڭداردان كەم تۇسپەدى. مۇنداي فەستيۆالدار وتە ماڭىزدى! ولار ارتىستەرگە شەبەرلىكتى كورسەتىپ قانا قويماي، باي مادەنيەتپەن الماسۋعا ىقپال ەتەدى"، - دەدى انتونيو دجيارولا.