بالا قۇقىقتارى جونىندەگى ۋاكىل دينارا زاكييەۆا قاراعاندى وبلىستىق بالالارعا ارناۋلى الەۋمەتتىك قىزمەت كورسەتۋ ورتالىعىندا بالالاردىڭ جاپپاي ۋلانۋىنا بايلانىستى ءقازىر قاراعاندىدا. بۇل تۋرال ول الەۋمەتتىك جەلىدەگى پاراقشاسىندا جازدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
وكىنىشكە قاراي، ءبىر بالا قايتىس بولدى. ونىڭ اتا-اناسىنا قايعىرا كوڭىل ايتامىن. التى بالا اۋىر حالدە جان ساقتاۋ بولىمىندە، جەتى بالا اۋرۋحانادا جاتىر. (تاعى 2 بالا ءتۇستى). ولاردىڭ اراسىندا جەتىم بالالار دا بار. قازىرگى تاڭدا بۇل وقيعاعا بايلانىستى قىلمىستىق ءىس قوزعالىپ، كوميسسيا قۇرىلدى. ۋلانۋ سەبەپتەرىن انىقتاۋ بويىنشا جۇمىس ءجۇرىپ جاتىر. بالالارعا مەديسينالىق-الەۋمەتتىك قىزمەتتەر كورسەتەتىن 84 مەكەمەنىڭ بارلىعىندا باس پروكۋراتۋرا كەشەندى تەكسەرىس جۇرگىزەدى. ونىڭ 20-سىندا جەتىم بالالار مەن اتا-اناسىنىڭ قامقورلىعىنسىز قالعان بالالار تۇرادى
، - دەپ جازادى بالا قۇقىقتارى جونىندەگى ۋاكىل.
سونىمەن قاتار، ول كۇزدە وڭىرلەرگە ءىسساپارلارى اياسىندا بارلىق بالالار مەكەمەلەرىن تەكسەرۋدى جوسپارلاپ وتىرعانىن جەتكىزدى.
جالپى، بۇل سالادا ءقازىر ءبىز مەملەكەتتىك ورگاندارمەن بىرگە بالالالارعا ارنالعان مەكەمەلەردەگى كامەرالاردى تىكەلەي سوۋ مەن جاۋاپتى ورگاندارعا قوسۋ بويىنشا جۇمىس ىستەپ جاتىرمىز. سونىمەن كاتار، جۇمىس جۇرگىزۋ كەرەك تاعى ءبىراز ماسەلە بار، سولاردىڭ ىشىندە: 1. مامانداردى دايارلاۋ ساپاسىن، ولاردىڭ دەڭگەيىن نازارعا الۋ كەرەك؛ سونداي-اق ولاردىڭ جالاقىسىن ارتتىرۋدى دا قاراستىرۋ قاجەت. 2. بالالاردىڭ تاماقتانۋ نورماتيۆتەرىن قايتا قاراۋ جانە تالاپتاردى قاتاڭداتۋ قاجەت. بەيىندى مينيسترلىكپەن بۇل بويىنشا دا جۇمىس ىستەيتىن بولامىز
، - دەيدى دينارا زاكييەۆا.