كورمەگە الەمنىڭ 58 ەلىنەن 213 سۋرەتشى قاتىسادى، 430-دان استام جۇمىس ۇسىنىلادى، ولاردىڭ 80ء-ى تىكەلەي بيەننالەگە ارنالعان.
بيىل قازاقستان 59-شى ۆەنەسيا بيەننالەسىنە تۇڭعىش رەت ءوز ۇلتتىق پاۆيلونىمەن قاتىسادى. اتاۋلى ءىس-شارا 23 ءساۋىر مەن 27 قاراشا ارالىعىندا وتەدى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
بۇعان دەيىن قازاقستان سۋرەتشىلەرى بيەننالەگە 2005 جىلدان 2013 جىلعا دەيىن ورتالىق ازيا ەلدەرىنىڭ پاۆيلونى اياسىندا، ال كەيىنگى جىلدارى جەكە باستامالار اياسىندا قاتىسىپ كەلگەن ەدى.
قازاقستان پاۆيلونى جوباسىن ORTA شىعارماشىلىق ۇجىمى مەن ءابىلحان قاستەيەۆ اتىنداعى ونەر مۋزەيى بىرلەسىپ جەكە قايىرىمدىلىق قورلار مەن قازاقستان رەسپۋبليكاسى مادەنيەت جانە سپورت مينيسترلىگىنىڭ قولداۋىمەن جۇزەگە اسىرىپ جاتىر. پاۆيلون تاقىرىبى الماتىلىق سۋرەتشى جانە جازۋشى سەرگەي كالمىكوۆقا ارنالعان، ونىڭ شىعارماشىلىعى بريتاندىق سيۋررەاليست لەونورا كاررينگتوننىڭ «ارماننىڭ بال ءدامى» اتتى كىتابىنىڭ قۇرمەتىنە تاڭدالعان بيىلعى بيەننالەمەن تىعىز بايلانىستى.
وسىنىڭ نەگىزىندە وتاندىق پاۆيلون الەمگە ايگىلى زاماناۋي ونەر قايراتكەرلەرىنىڭ ەكسپوزيسيالارىمەن ءبىر قاتاردا تۇر.
ءىس-شاراعا قاتىسۋشىلاردىڭ الدىندا سويلەگەن سوزىندە مادەنيەت جانە سپورت ءمينيسترى داۋرەن ابايەۆ ۇيىمداستىرۋشىلارعا، مەسەناتتارعا، ديپلوماتتار مەن سۋرەتشىلەرگە العىسىن ءبىلدىردى.
«مۇندا «قازىرگى زامانعى ونەر الەمىنىڭ وليمپياداسى» تالانتتاردى ىزدەيدى. ءبىزدىڭ الەمگە كورسەتەتىن دۇنيەلەرىمىز بار، ماقتانا الاتىن جانە تاڭ قالدىراتىن نارسەلەرىمىز بار. بارلىق ۋاقىتتا دا سۋرەتشىلەرىمىز وزىندىك ەرەكشەلىگى مەن قايتالانباس قولتاڭباسىمەن دارالانادى»، - دەدى مينيستر.
سونداي-اق، داۋرەن ابايەۆ قازاقستاننىڭ وسى كورمەگە قاتىسۋى يگى داستۇرگە اينالاتىنىنا جانە بولاشاقتا قازاقستاندىق سۋرەتشىلەردىڭ جوعارى دەڭگەيدەگى شىعارماشىلىق جەتىستىكتەرىنىڭ كۋاسى بولاتىنىمىزعا سەنىم ءبىلدىردى.
ءوز كەزەگىندە قازاقستاندىق پاۆيلوننىڭ كوميسسارى مەرۋەرت قالييەۆا ۆەنەسيادا قازاقستاندىق پاۆيلوننىڭ اشىلۋىمەن قاتار، بيىل جازدا قازاقستاندا ارنايى پاۆيلون باعدارلاماسى ىسكە قوسىلاتىنىن اتاپ ءوتتى.
«كەلۋشىلەر سوڭعى بەس جىل ىشىندە ءوزىنىڭ جاڭاشىل يدەيالارىمەن جۇمىس ىستەپ كەلە جاتقان ORTA سياقتى كالمىكوۆتىڭ الەمىنە تاڭ قالاتىنىنا سەنىمدىمىن. ۆەنەسيا بيەننالەسىندەگى قازاقستاننىڭ ۇلتتىق پاۆيلونى قازاقستاندىق ارت-ساحنادا كوپتەن كۇتكەن وقيعا بولدى، وسى جوبامەن جۇمىس ىستەيتىن كوماندانىڭ ءبىر بولىگى بولۋ مەن ءۇشىن ۇلكەن مارتەبە. وتكەن جىلدارى ۆەنەسيادا قازاقستاننىڭ ۇلتتىق پاۆيلونىن تالقىلاۋعا باستاماشىلىق ەتۋ ءۇشىن قاتارلاس باعدارلامالار، كورمەلەر مەن جوبالار ۇيىمداستىرعان سۋرەتشىلەردىڭ، كۋراتورلار مەن ونەرتانۋشىلاردىڭ كۇش-جىگەرىنسىز پاۆيلون اشىلماس ەدى»، - دەدى مەرۋەرت قالييەۆا.
ۆەنەسيا بيەننالەسى 1895 جىلدان باستاپ ۆەنەسيادا ەكى جىلدا ءبىر رەت وتكىزىلەتىن ەڭ بەدەلدى حالىقارالىق كورمەلەردىڭ ءبىرى ەكەنىن اتاپ وتكەن ءجون.
بۇل ايتۋلى وقيعا الەمدىك ونەردىڭ دامۋ باعىتىن ايقىندايدى، سونداي-اق زاماناۋي ترەندتەردى كەڭىنەن تانىستىرادى.