قازاقستان رەكوردتىق باعامەن التىن ساتىپ الىپ جاتىر، - دەپ حابارلايدى Aqshamnews.kz.
2025 جىلعى تامىز ايىندا قازاقستان الەم بويىنشا التىن ساتىپ الۋ كولەمى بويىنشا ءبىرىنشى ورىنعا شىقتى. بۇل تۋرالى World Gold Council (دۇنيەجۇزىلىك التىن كەڭەسى) ءوزىنىڭ جاڭا ەسەبىندە حابارلادى.
ۇلتتىق بانك تەك تامىز ايىنىڭ وزىندە 8 توننا التىن ساتىپ الىپ، بۇكىل الەم بويىنشا ورتالىق بانكتەر ساتىپ العان 15 توننانىڭ جارتىسىنان كوبىن يەلەندى.
ساراپشىلاردىڭ ايتۋىنشا، الەمدە التىن باعاسى رەكوردتىق دەڭگەيگە جەتىپ جاتقان شاقتا، كوپتەگەن مەملەكەتتەر باعانىڭ جوعارى بولۋىنا بايلانىستى التىن قورىن ۇلعايتۋدى توقتاتقان. ءبىراق قازاقستان بۇل قاتارعا قوسىلمادى.
«قازاقستان ۇلتتىق بانكى قاتارىنان التى اي بويى التىن ساتىپ الىپ كەلەدى. ءقازىر ونىڭ التىن قورى 316 تونناعا جەتتى. بۇل – 2024 جىلدىڭ سوڭىمەن سالىستىرعاندا 32 تونناعا ارتىق»، – دەلىنگەن كەڭەس ەسەبىندە.
2025 جىلدىڭ باسىنان بەرى التىن ساتىپ الۋ كولەمى بويىنشا قازاقستان ەكىنشى ورىندا تۇر — 15،65 توننا. ءبىرىنشى ورىندا پولشا، ول 18،66 توننا التىن ساتىپ العان.
ەكونوميستەردىڭ پىكىرىنشە، ۇلتتىق بانكتىڭ مۇنداي قادامى — ۆاليۋتا رەزەرۆتەرىن ءارتاراپتاندىرۋ جانە قارجى قاۋىپسىزدىگىن نىعايتۋ ماقساتىنداعى ستراتەگيالىق شەشىم. التىن — الەمدەگى ەڭ سەنىمدى اكتيۆتەردىڭ ءبىرى رەتىندە، قۇنسىزدانۋعا قارسى تۇراقتى قور رەتىندە قاراستىرىلادى.
- 8 توننا — تامىزدا قازاقستان ساتىپ العان التىن كولەمى
- 316 توننا — ۇلتتىق بانكتىڭ جالپى التىن قورى
- 15،65 توننا — 2025 جىلى ساتىپ الىنعان التىن