ايەل جۇكتىلىكتىڭ 12 اپتاسىنا دەيىن تىركەلۋى كەرەك.
الماتى قالاسىنىڭ №11 قالالىق ەمحاناسىنىڭ ايەلدەر كەڭەسى ءبولىمىنىڭ اكۋشەر-گينەكولوگى كاميلا ابايدىلدايەۆا جۇكتى ايەلدەرگە جۇكتىلىكتى باسقارۋ الگوريتمى، ونىڭ ىشىندە سكرينينگتىك تەكسەرۋدەن ءوتۋ قاجەتتىلىگى تۋرالى ايتىپ بەردى، دەپ حابارلايدى Almaty-akshamy.kz
مامان اتاپ وتكەندەي، ايەل جۇكتىلىكتىڭ 12 اپتاسىنا دەيىن تىركەلۋى كەرەك. بۇل ۋلترادىبىستىق جانە گورموندارعا ۆەنوزدىق قاننىڭ بيوحيميالىق تالداۋىنان تۇراتىن 12 اپتادا وتكىزىلەتىن ءبىرىنشى سكرينينگ ۇرىقتا داۋن سيندرومى سياقتى تۇقىم قۋالايتىن پاتولوگيالاردىڭ دامۋىنىڭ گەنەتيكالىق ءقاۋپىن باعالاۋ ءۇشىن جاسالادى، سونىمەن قاتار تۋىلماعان نارەستەنىڭ دەنساۋلىعىنا جانە جۇكتىلىكتىڭ ناتيجەسىنە اسەر ەتەتىن فاكتورلاردى انىقتايدى. بارلىق گەنەتيكالىق اۋىتقۋلار ءدال وسى كەزەڭدە، 13 اپتا جانە التى كۇننەن كەشىكتىرمەي انىقتالادى.
سونداي-اق، تىركەۋ كەزىندە جۇكتى ايەل بارلىق تەكسەرۋلەردەن وتەدى: جالپى ءزار تالداۋى، جۇكتى ايەلدەر ءۇشىن قان توبى مىندەتتى، مەرەز جۇكپاسىنا، ايتۆ، ۆ جانە س گەپاتيتى ينفەكسيالارىنا قان تالداۋى الىنادى. وسى تالداۋلاردىڭ كەز كەلگەنىنە وڭ ناتيجە بولعان جاعدايدا، دارىگەردىڭ كەڭەسى قاجەت. پروسەستىڭ كەزەڭىن ناقتىلاۋ ءۇشىن قوسىمشا زەرتتەۋلەر جۇرگىزۋ قاجەت بولۋى مۇمكىن. 16 اپتادا – ايەل تەكسەرۋگە كەلەدى.
ايەلگە ەكىنشى سكرينينگ جۇكتىلىكتىڭ 19-20 اپتاسىندا وتەدى.
وسى كەزەڭدە ۇرىقتىڭ دامۋ اقاۋلارى انىقتالادى، مىسالى، جۇرەك اۋرۋى، نەسەپ-جىنىس جۇيەسى، اسقازان-ىشەك جولدارى، وكىنىشكە وراي، ومىرگە سايكەس كەلمەيتىن اقاۋلار بار. سوڭعى جاعدايدا بوسانۋ، ياعني جۇكتىلىكتى توقتاتۋ ماسەلەسى تۋىندايدى.
كەلەسى باقىلاۋ 24-25 اپتادا.
«وسىلايشا، ايىنا ءبىر رەت ايەل ادام تەكسەرىلۋگە كەلەدى. بۇل بىزگە ۇرىقتىڭ قالىپتى دامىپ كەلە جاتقانىن انىقتاۋعا مۇمكىندىك بەرەدى، ول بەلگىلەنگەن مەرزىمگە سايكەس كەلۋىن، جۇرەك سوعىسى ەستىلۋى جانە دە ۇرىقتىڭ قوزعالىسىنا سىناق جۇرگىزىلەدى. كورسەتكىشتەرگە سايكەس، 34 اپتادان كەيىن ۇرىقتىڭ كتگ جاسايمىز، بۇل ۇرىقتىڭ جاعدايىن جۇرەك سوعىسىنىڭ سيپاتى بويىنشا باعالاۋدىڭ زاماناۋي ءادىسى»، - دەيدى كاميلا ابايدىلدايەۆا.
ءۇشىنشى سكرينينگ 30 اپتادان كەيىن جۇزەگە اسىرىلادى، مۇندا باستى نازار سۋدىڭ مولشەرىنە، اتاپ ايتقاندا سۋدىڭ كوپتىگى نەمەسە سۋدىڭ ازدىعى نازارعا الىنادى.
«جۇكتىلىكتىڭ 20-شى اپتاسىندا قويىلعان كەيبىر دياگنوزدار، مىسالى، بالا جولداسىنىڭ دۇرىس ورنالاسپاۋى، ياعني جاقسى دامۋى مۇمكىن ەكەنىن اتاپ وتكىم كەلەدى. بارلىعىنا بەلگىلى، بالا جولداسى دۇرىس ورنالاسپاعان جاعدايدا، ايەلدى كەسار تىلىگى جاساۋعا دايىندايدى، ويتكەنى قان كەتۋ ءقاۋپى بار. ەگەر 30 اپتادا بۇل دياگنوز قايتالانباسا، سايكەسىنشە بۇل دياگنوز جويىلادى جانە بوسانۋ ءادىسى دە وزگەرەدى»، - دەپ تۇيىندەدى مامان.