ول ءبىر ايەلدى ولتىرگەنى ءۇشىن قىلمىستى بولعان.
ق ر ءىىم كريمينالدىق پوليسيا دەپارتامەنتىنىڭ اسا ماڭىزدى ىستەر جونىندەگى اعا جەدەل ۋاكىلى قۋانىش يبراشيەۆتىڭ ايتۋىنشا، بارلىعى 15 قىلمىسكەر انىقتالعان، دەپ حابارلايدى Almaty-akshamy.kz
"ىشكى ىستەر مينيسترلىگىنە قىلمىسكەرلەردى جانە حابار-وشارسىز كەتكەن ادامداردى ىزدەستىرۋگە قاتىستى سۇراقتار ءجيى كەلىپ تۇسەدى، سوندىقتان بۇل جۇمىستىڭ تۇتاستاي قالاي جۇرگىزىلىپ جاتقانىن تاعى دا قىسقاشا ايتىپ بەرگىم كەلەدى. ستاتيستيكا تۋرالى ايتاتىن بولساق، جىل باسىنان باستاپ پوليسيا كۇشتەرى 416 قىلمىسكەردى ىزدەستىرىپ ۇستادى، ولاردىڭ ىشىندە 4 كىسى ولتىرگەن ءۇشىن، 24 قاراقشىلىق شابۋىلدار مەن توناۋعا قاتىستى"، – دەدى سپيكەر.
ەگەر قىلمىسكەر ءبىزدىڭ ەلدەن تىس جەردە جاسىرىنىپ جۇرسە نە بولادى؟ سپيكەردىڭ ايتۋىنشا، ولاردى ىزدەۋ بويىنشا جۇمىس توقتاتىلمايدى، مۇنداي ادامدار مەملەكەتارالىق جانە حالىقارالىق ىزدەستىرۋگە جاريالانادى.
"ولاردى ودان ءارى ىزدەۋ تاۋەلسىز مەملەكەتتەر ىنتىماقتاستىعىنا قاتىسۋشى مەملەكەتتەردىڭ قۇقىق قورعاۋ ورگاندارىمەن، سونداي-اق 195 ەلدەن تۇراتىن ينتەرپول حالىقارالىق قىلمىستىق پوليسياسى ۇيىمىمەن ءوزارا ءىس-قيمىلدا جۇزەگە اسىرىلادى. بۇگىنگى تاڭدا قازاقستاننان تىس جەرلەردە 15 قىلمىسكەر انىقتالىپ ۇستالدى، ونىڭ ىشىندە بىرەۋى 25 جىلدان استام ۋاقىت بويى ايەلدى ولتىرگەنى ءۇشىن جاسىرىنعان"، – دەدى يبراشيەۆ.