الماتىدا حالىقارالىق ايەلدەر كۇنى قارساڭىندا ايەلدەر مەن ايەلدەر قوعامدىق ۇيىمدارى اراسىندا وتكىزىلگەن رەسپۋبليكالىق بايقاۋدىڭ قالالىق كەزەڭى اياسىندا جەڭىمپازداردىڭ ەسىمدەرى انىقتالدى.
بۇل تۋرالى وڭىرلىك كوممۋنيكاسيالار قىزمەتىنىڭ سايتىندا الماتى قالاسى اكىمى اپپاراتىنىڭ الەۋمەتتىك دامۋ ءبولىمىنىڭ باس ينسپەكتورى گۇلنار ءامىروۆا ايتتى، دەپ حابارلايدى Almaty-akshamy.kz.
«كۇنى كەشە 9 اتالىم بويىنشا ۇزدىك الەۋمەتتىك جوبالاردى انىقتاۋعا باعىتتالعان بايقاۋ اياقتالدى. وعان نەگىزىنەن جاس ءارى كرەاتيۆتى ايەلدەر قاتىستى. جوبالار وتە مىقتى، ولاردى جۇزەگە اسىرۋ ءتۇرلى سالالاردى ايەلدەر مەن بالالاردىڭ ويلارىن جۇزەگە اسىرۋعا كومەكتەسەدى»، - دەپ ءبولىستى گ.ءامىروۆا.
رەسپۋبليكالىق جوبا الەۋمەتتىك ماڭىزى بار جوبالاردى جۇزەگە اسىرىپ جۇرگەن ايەلدەر اراسىندا جۇرگىزىلدى. الماتى قالاسى بويىنشا كەلەسىدەي باستاماشىلىق جوبالار انىقتالدى:
«ۇزدىك IT-جوبا» اتالىمى بويىنشا 20 ۇپايدى شاكەنوۆا انەل ورازالييەۆنانىڭ جوباسى – «FINAGERS بالالار مەن جاسوسپىرىمدەرگە ارنالعان ءبىلىم بەرۋ الاڭى»؛
«كرەاتيۆتىك يندۋستريا سالاسىنداعى ۇزدىك جوبا» نوميناسياسى بويىنشا «DeFacto FM» ينكليۋزيۆتى ينتەرنەت-راديوسىنىڭ اقپاراتتىق پورتالى» تاۋبالدينوۆا گۋلۆيرا دجاۋمبايەۆنا – 20 ۇپاي؛
«جاڭا مەديا (ب ا ق، الەۋمەتتىك جەلىلەر) سالاسىنداعى ۇزدىك جوبا» اتالىمىندا «FinTech ۋاقىتى» - نۇرعالييەۆا اسەم بولاتجان قىزى – 20 ۇپاي؛
«ايەلدەر مەن بالالاردىڭ قۇقىقتارىن قورعاۋ سالاسىنداعى ۇزدىك جوبا» اتالىمى بويىنشا «باقىتتى وتباسى» ورتالىعىنداعى «ىسكەر انا» جوباسى ابيتايەۆا ءاسيا وپاشبەك قىزى – 20 ۇپاي؛
«ينكليۋزيۆتى دامۋ سالاسىنداعى ۇزدىك جوبا» اتالىمى بويىنشا – 2 (ەكى جوبا):
پاتولوگياسى جانە دامۋىندا كەشەۋىلدەۋى بار بالالاردى ينكليۋزيۆتى باعدارلامالاردى جۇزەگە اسىرۋعا دايىنداۋ. جوبالاردى جۇزەگە اسىرۋ ارقىلى ەرەكشە قاجەتتىلىكتەرى بار بالالاردى ينكليۋزيا پروسەسىنە دايىنداۋ: «ەرتە ارالاسۋ. مەكتەپكە دەيىنگى ينكليۋزيا. 3 جاستان 7 جاسقا دەيىنگى پسيحيكالىق دامۋى تەجەلگەن بالالارعا ارنالعان دەڭگەيلىك توپتار» مايرا ماعاۋيان قىزى سۇلەيەۆا – 20 ۇپاي؛
«عىلىم جانە يننوۆاسيا سالاسىنداعى ۇزدىك جوبا» اتالىمى بويىنشا «№1 قارجىلىق ساۋاتتىلىق مەكتەبىنىڭ» «ايەل جانە اقشا» جوباسى براسيلوۆا ءاقجۇنىس – 20 ۇپاي؛
«ايەلدەر مەن بالالاردىڭ قۇقىقتارىن قورعاۋ سالاسىنداعى بەلسەندى قۇقىق قورعاۋشى» اتالىمى بويىنشا «Human rights= women rights! قىلمىستىق جانە ازاماتتىق سوت ءىسىن جۇرگىزۋدە زورلىق-زومبىلىق قۇرباندارىنا كومەك كورسەتۋ» جوباسى راكيشيەۆا ءلاززات بەكمۇحامبەت قىزى – 20 ۇپاي؛
«ۇزدىك ايەل – كاسىپورىن باسشىسى» اتالىمى بويىنشا ءابدىحالىقوۆا شولپان اسقار قىزىنىڭ جوباسى – 20 ۇپاي؛
«ايەلدەردىڭ قۇقىقتارىن قورعاۋ سالاسىنداعى ۇزدىك ۇەۇ» اتالىمى بويىنشا «الماتى قالاسىنداعى جاسوسپىرىمدەردىڭ رەپرودۋكتيۆتى دەنساۋلىعىن جانە رەپرودۋكتيۆتى قۇقىقتارىن قورعاۋ» جوباسى كوشكىمبايەۆا گاۋحار جاقاش قىزى– 20 ۇپاي.
الماتى قالالىق جۇمىسپەن قامتۋ جانە الەۋمەتتىك باعدارلامالار باسقارماسى قالاداعى «باقىتتى وتباسى» ورتالىقتارىندا كوپ بالالى ايەلدەردىڭ كاسىپكەرلىك الەۋەتىن جۇزەگە اسىرۋعا كومەكتەسۋگە باعىتتالعان «ISKER ANA» باعدارلاماسى جۇزەگە اسىرىلىپ جاتقانىن ەسكە سالدى. سونداي-اق باعدارلاماعا قاتىسۋشىلارعا قۇقىقتىق جانە كونسۋلتاتيۆتىك كومەك كورسەتىلەدى.
«وتكەن جىلى كوپ بالالى جانە از قامتىلعان وتباسىلاردى جۇمىسپەن قامتۋ جانە جەكە كاسىبىن دامىتۋ ماقساتىندا دەمەۋشىلەر ارقىلى اۋەزوۆ اۋدانىندا قولونەر بۇيىمدارى مەن ازىق-تۇلىك ونىمدەرىن ساتاتىن 4 ساۋدا نۇكتەسى اشىلدى»، - دەدى باسقارما باسشىسىنىڭ ورىنباسارى قاليبەك اقىلبەكوۆ.
وسىلايشا، باعدارلاما اياسىندا 2613-تەن استام ادام تۇلعالىق ءوسۋ، كوشباسشىلىق، بيزنەس جانە پسيحولوگيا بويىنشا بازالىق ترەنينگتەردى، 2810 ادام كوپ بالالى وتباسىلارعا ارنالعان وقىتۋ كۋرستارىن اياقتادى.
سونىمەن قاتار، «اتامەكەن» وڭىرلىك كاسىپكەرلەر پالاتاسىنىڭ بازاسىندا ايەلدەر كاسىپكەرلىگىن دامىتۋ ورتالىعى مەن ىسكەر ايەلدەر كەڭەسى قۇرىلىپ، تىلەك بىلدىرۋشىلەر سۇرانىسقا يە ماماندىقتار مەن كاسىپكەرلىك نەگىزدەرىن مەڭگەرە الادى.