رەگلامەنتتىڭ بولماۋى اكىمدىكتىڭ لاۋازىمدى ادامدارى مەن جەردى جالعا الۋشىلار اراسىندا جەمقورلىق ارەكەتتەرىن تۋعىزادى.
«بيزنەس جول» جوباسى ىسكە اسىرىلا باستاعالى بەرى جەردى جالعا الۋ ماسەلەلەرىندە 70 جۋىق كاسىپكەردىڭ قۇقىقتارى قورعالدى، دەپ حابارلايدى اlmaty-akshamy.kz Azattyq Ruhy-نا سىلتەمە جاساپ.
سىبايلاس جەمقورلىققا قارسى قىزمەتتىڭ باسپا ءسوز قىزمەتى حابارلاعانداي، ۆەدومستۆو ق ر اۋىل شارۋاشىلىعى مينيسترلىگىنىڭ جەر رەسۋرستارىن باسقارۋ كوميتەتىمەن بىرلەسىپ، جەر قاتىناستارى سالاسىنا تالداۋ جۇرگىزگەن.
بەلگىلى بولعانداي، شوب سۋبەكتىلەرىنىڭ ايتۋىنشا، ولار جەر ۋچاسكەلەرىن جالداۋ مەرزىمىن ۇزارتۋ كەزىندە تۇراقتى تۇردە كەدەرگىلەر مەن نەگىزسىز باس تارتۋلارعا تاپ بولعان.
«جەرگىلىكتى اتقارۋشى ورگاندار جەر كودەكسىنىڭ نورمالارىن وزدىگىنشە ءتۇسىندىرىپ جانە ۋاقىت سوزىپ، جەر كوميسسيالارىنىڭ قاراۋىنا جالداۋ مەرزىمىن ۇزارتۋ تۋرالى وتىنىشتەر جولداعان. جەر كودەكسىنىڭ 12-بابىنا سايكەس كوميسسيانىڭ مۇنداي وكىلەتتىكتەرى جوق»، - دەلىنگەن انتيكور حابارلاماسىندا.
تاعى ءبىر ماڭىزدى ماسەلە – مەرزىمدەرىنىڭ اياقتالۋىنا بايلانىستى جالداۋ مەرزىمىن ۇزارتۋدان باس تارتۋ.
«اكىمدىكتەر مۇنداي تاجىريبەنى جالعا الۋشىلاردىڭ جاڭا مەرزىمگە جەر پايدالانۋ شارتىن جاساسۋ نيەتى تۋرالى ۋاقتىلى حابارلاۋ جونىندەگى مىندەتتەردى بۇزۋىمەن تۇسىندىرەدى. سونىمەن قاتار جالداۋ مەرزىمى اياقتالعان جاعدايدا، ءوز مىندەتتەرىن تيىسىنشە ورىنداعان ۋاقىتشا وتەۋلى جەر پايدالانۋشىنىڭ باسقا ادامدار الدىندا جاڭا مەرزىمگە شارت جاساسۋعا باسىم قۇقىعى بار (جك 37-بابىنىڭ 2-تارماعى). بۇل جاعدايدا ادال جالعا الۋشى كوميسسيا جاساماي-اق شارتتىڭ مەرزىمىن ۇزارتۋعا قۇقىلى. سونداي-اق زاڭنامامەن رەتتەلمەگەن جاڭا مەرزىمگە جالداۋ شارتىن جاساۋ جاسىرىن مەملەكەتتىك قىزمەتى انىقتالدى»، - دەلىنگەن حابارلامادا.
قازىرگى ۋاقىتتا رەگلامەنتتىڭ بولماۋى «ءبىر تەرەزە» قاعيداتىن بۇزىپ، اكىمدىكتىڭ لاۋازىمدى ادامدارى مەن جەر ۋچاسكەلەرىن جالعا الۋشىلار اراسىندا جەمقورلىق تاۋەكەلدەرىنىڭ تۋىنداۋىنا ىقپال ەتەدى.
«سىبايلاس جەمقورلىققا قارسى قىزمەتتىڭ ۇسىنىمدارى بويىنشا مۇنداي زاڭسىز تاجىريبە الماتى قالاسىندا، اقتوبە، شىعىس قازاقستان وبلىستارىندا جانە جەتىسۋ وبلىسىندا توقتاتىلدى. سونداي-اق ق ر اشم جەر رەسۋرستارىن باسقارۋ كوميتەتى جەرگىلىكتى اتقارۋشى ورگانداردىڭ اتىنا ۋاقتىلى حابارلاماۋعا بايلانىستى جەر ۋچاسكەلەرىنە جالعا بەرۋدى ۇزارتۋدان باس تارتۋ تاجىريبەسىن بولدىرمايتىن ناقتى تۇسىنىكتەمەلەر جولدادى»، - دەلىنگەن حابارلامادا.
اتالعان تۇسىنىكتەمە ادال جەر پايدالانۋشىلاردىڭ قۇقىقتارى مەن زاڭدى مۇددەلەرىنىڭ بۇزىلۋىن جويۋعا، جەمقورلىق تاۋەكەلدەرىن ازايتۋعا، سونداي-اق جەر بەرۋدىڭ ءبىرىڭعاي تاجىريبەسىن قالىپتاستىرۋعا مۇمكىندىك بەرەدى.