ءماجىلىس دەپۋتاتى اسحات ايماعامبەتوۆ انيماسيالىق ستۋديالارعا سالىق جەڭىلدىگىن بەرۋدى ۇسىندى، دەپ حابارلايدى aqshamnews.kz.
- قازاقشا مۋلتفيلمدەر از — ال سالىق كوپ. بۇگىندە بالالاردىڭ كوبى باسقا تىلدەگى TikTok پەن Netflix عانا كورەدى. مەملەكەتتىك تىلدە كونتەنت از. نەگە؟ ءبىزدىڭ انيماسيالىق ستۋديالار ءار كادر ءۇشىن ققس تولەيدى. قازاقشا مۋلتفيلم شىعارۋ — قىمبات. وڭتۇستىك كورەيا، پولشا، فرانسيا — ءوز انيماسياسىن قورعايدى. بىزگە دە سول قاجەت، - دەدى ول پالاتانىڭ جالپى وتىرىسىندا.
سونداي-اق، كازينولارعا سالىقتى اياماي كوتەرۋ كەرەكتىگىن ايتتى.
- كازينولارعا سالىقتى باتىل كوتەرەيىك! مۇندا ەشقانداي داۋ جوق. 20%، 30%، 50% — كوتەرۋگە بولادى. ويتكەنى ءاربىر ۇتىلعان ستاۆكا — ءبىر وتباسىنىڭ ءۇمىتى.
بۇل — بيزنەس ەمەس. بۇل — ءۇمىتتى جۇتاتىن يندۋستريا. قۇرمەتتى ارىپتەستەر، ءبىزدىڭ ۇسىنىپ وتىرعانىمىز — جەڭىلدىك ەمەس، ادىلەتتىلىك. سالىق جۇيەسى مۇقتاجعا دەمەۋ بولۋى ءتيىس. سمارتفون — كىتاپتان ارزان بولماۋى كەرەك. ەنەرگەتيكالىق سۋسىن — سۋدان ارزان بولماۋى كەرەك. وسى ۇسىنىستاردى قولدايىق، - دەدى دەپۋتات.