«بۇل رەتتە، حالىقارالىق قارجى ۇيىمدارى، كەرىسىنشە، ەكى كەزەڭدى ىرىكتەۋ قاجەتتىلىگىن كورسەتەدى. ىرىكتەۋدىڭ بۇل ءتۇرى كونكۋرستىڭ ءبىرىنشى جانە ەكىنشى كەزەڭدەرىندە ەڭ جاقسى تەحنيكالىق-تەحنولوگيالىق جانە قارجىلىق شەشىمدەردى تاڭداۋ ارقىلى جەكە سەرىكتەستى انىقتاۋدىڭ ەڭ جاقسى تاجىريبەسى بولىپ سانالادى. وسىلايشا، بۇل تۇزەتۋلەر شەڭبەرىندە ءمجا نىسانىن جوبالاۋ مەن سالۋدى قامتيتىن بارلىق ءمجا جوبالارىن ەكى كەزەڭدىك راسىمدەرگە اۋىستىرۋ كوزدەلەدى»، – دەدى قازاقستاندىق مەملەكەتتىك-جەكە مەنشىك ارىپتەستىك ورتالىعىنىڭ باسشىسى.
بۇدان بولەك، تۇزەتۋلەردە مەنشىكتى كاپيتال جوباسىنا ينۆەستيسيالاۋ جونىندەگى الەۋەتتى جەكە سەرىكتەستەر ءۇشىن تالاپتاردى 20%-دان 10%-عا دەيىن تومەندەتۋ كوزدەلگەن. سپيكەردىڭ ايتۋىنشا، بۇل تۇزەتۋ كونكۋرستارعا قاتىسۋعا كەدەرگىلەردى ازايتادى، ءوز قاراجاتىنىڭ ۇلكەن كولەمىن بولە المايتىن، الايدا جوسپارلانعان ءمجا جوبالارىن ىسكە اسىرۋ ءۇشىن قۇزىرەتى مەن مۇمكىندىكتەرى بار كومپانيالار ءۇشىن نارىققا كىرۋدى جەڭىلدەتەدى. سونداي-اق، الەۋەتتى جەكەشە ارىپتەس كونكۋرستىق راسىمدەر ساتىسىندا بىلىكتىلىك ىرىكتەۋدەن ءوتۋ ءۇشىن وسى قاراجاتتى ءوز شوتتارىندا «قاتىرۋ» قاجەتتىلىگى الىنىپ تاستالدى. ياعني، بۇل قاراجاتتى راستاۋ ءمجا شارتىن جاساسقاننان كەيىن عانا قاجەت.
«جوبالاردى ازىرلەۋ ساپاسىن ارتتىرۋ ءۇشىن ءمجا سالاسىندا كونسۋلتاسيالىق جانە ساراپتامالىق قىزمەتتەر كورسەتەتىن ۇيىمداردى اككرەديتتەۋ ەنگىزىلەدى. ءراسىمنىڭ باعالاۋ سيپاتىن قوسپاعاندا، اككرەديتتەۋدى ۇلتتىق ەكونوميكا مينيسترلىگى ءوزى بەكىتەتىن تالاپتارعا سايكەس جۇزەگە اسىرادى. جوبالاردى جوسپارلاۋ مەرزىمدەرىن جانە مەملەكەتتىك بيۋدجەتتىڭ راسىمدەردى وڭتايلاندىرۋ جانە ۇلگىلىك قۇجاتتامانى قولدانۋ ەسەبىنەن ولاردى ازىرلەۋ مەن ساراپتاۋعا ارنالعان شىعىندارىن قىسقارتۋعا مۇمكىندىك بەرەتىن «باعدارلامالىق ءمجا» تەتىگىن ەنگىزۋ جونىندەگى تۇزەتۋلەرگە جەكە توقتالعىم كەلەدى. ماسەلەن، سالالىق ورتالىق مەملەكەتتىك ورگاندار ءمجا باعدارلامالىق جاساقتاماسىنىڭ كومەگىمەن ءمجا جوبالارىنىڭ بازالىق پارامەترلەرىن انىقتاي الادى. سونداي-اق ولار جەكە ارىپتەستى ايقىنداۋ جانە ءمجا شارتىن جاساسۋ قاعيدالارىن، سالالىق ەرەكشەلىكتەردى ەسكەرە وتىرىپ، ءمجا-نىڭ تيراجدالاتىن جوبالارى بويىنشا كونكۋرس وتكىزۋ ءۇشىن دايىن ۇلگىلىك قۇجاتتار توپتاماسىن ءوز بەتىنشە بەكىتە الادى»، – دەدى اسلان كاليگازين.
مۇنداي سالالىق ەرەجەلەر مەن ۇلگىلىك قۇجاتتار مەكتەپتەر، جاتاقحانالار مەن ەمحانالاردى سالۋ جانە پايدالانۋ بويىنشا تيراجدالاتىن جوبالاردى ىسكە اسىرۋ ءۇشىن بەكىتىلگەن. قازىرگى ۋاقىتتا ءبىلىم بەرۋ، دەنساۋلىق ساقتاۋ، حالىقتى الەۋمەتتىك قورعاۋ، سپورت جانە ەكولوگيا سالالارىندا ۇقساس قۇجاتتار ازىرلەۋ جانە كەلىسۋ ساتىسىندا تۇر.