بۇگىن الماتى قالالىق پوليسيا دەپارتامەنتىنىڭ ءماجىلىس زالىندا الماتى قالالىق سىبايلاس جەمقورلىققا قارسى قىزمەتى پوليسيا دەپارتامەنتىمەن بىرلەسە ۇيىمداستىرعان دارىستىك شارا ءوتتى.
جيىن "زاڭ مەن ءتارتىپ وزىڭنەن باستالادى!" ۇرانىمەن ءوتتى جانە ادالدىق، ادىلدىك جانە الەۋمەتتىك جاۋاپكەرشىلىك قۇندىلىقتارى تۋرالى اشىق جانە مازمۇندى اڭگىمەلەسۋ الاڭىنا اينالدى، دەپ حابارلايدى aqshamnews.kz Polisia.kz-كە سىلتەمە جاساپ.
ءىس-شارانىڭ نەگىزگى ماقساتى – سىبايلاس جەمقورلىققا مۇلدەم توزبەۋشىلىك يدەولوگياسىن دامىتۋ، قۇقىقتىق سانانى كۇشەيتۋ، زاڭ مەن زاڭدىلىق قاعيداتتارىن قۇرمەتتەۋگە تاربيەلەۋ.
- بۇگىنگى كۇنى ءاربىر ازاماتتىڭ زاڭنىڭ ساقتالۋىنا جەكە جاۋاپكەرشىلىگىن سەزىنۋى بۇرىنعىدان دا ماڭىزدى بولىپ وتىر. قوعامدا قولداۋ مەن سەنىم بولعان كەزدە پوليسيا جۇمىسى ناتيجەلى بولادى. ءبىز قاۋىپسىزدىك پەن ءتارتىپتى ساقتاۋ ءۇشىن اشىق ديالوگقا، بىرلەسكەن جۇمىسقا دايىنبىز، — دەدى الماتى قالالىق پوليسيا دەپارتامەنتىنىڭ باستىعى ارىستانعاني زاپپاروۆ.
الماتى قالاسى بويىنشا سىبايلاس جەمقورلىققا قارسى قىزمەتتىڭ باسشىسى ارمان راحيموۆ الدىن الۋدىڭ قاجەتتىلىگىن اتاپ ءوتتى. "سىبايلاس جەمقورلىقتىڭ سالدارىمەن كۇرەسكەننەن گورى ونىڭ الدىن الۋ وڭاي. ءبىز ادال مەملەكەت قۇرىپ جاتىرمىز، بۇل ۇدەرىستە ءاربىر ادامنىڭ ءرولى ماڭىزدى. ايقىندىق، ەسەپ بەرۋشىلىك، جاريالىلىق – بۇل ءبىزدىڭ باسىمدىقتارىمىز". قاتىسۋشىلاردىڭ ەرەكشە نازارى، قىزمەتتىڭ قۇرمەتتى ارداگەرى، قازاقستان رەسپۋبليكاسى سىبايلاس جەمقورلىققا قارسى كۇرەس اگەنتتىگىنىڭ بۇرىنعى باسشىسى، ومىرلىك جانە كاسىبي تاجىريبەسى مول ازامات - اليك شپەكپايەۆتىڭ سوزىنە اۋدارىلدى.
— وزىمىزدەن باستاماساق، ەشبىر زاڭ جۇمىس ىستەمەيدى. اركىم ءوز ورنىندا ادال بولمايىنشا ەشبىر رەفورما ناتيجە بەرمەيدى. مەملەكەتتەگى ءتارتىپ ءارقايسىمىزدىڭ باسىمىز بەن جۇرەگىمىزدەگى تارتىپتەن باستالادى. نە ىستەسەڭ دە - ءبارىن ار-ۇجدانمەن ىستە، — دەدى اليك شپەكپايەۆ.
كەزدەسۋگە قاتىسۋشىلار تاقىرىپتىق بەينەماتەريالدى كورىپ، ناقتى مىسالداردى تالقىلادى جانە بايانداماشىلارعا سۇراقتار قويدى. ءىس-شارا شىنايى قىزىعۋشىلىق پەن ءوزارا تۇسىنىستىك جاعدايىندا ءوتتى، قاتىسۋشىلارعا قۇقىقتىق جانە ءادىل قوعام قۇرۋداعى ءوز ءرولىن تۇسىنۋگە سەرپىن بەردى.