«قازاقستان كتك وداعى» الماتى فيليالىنىڭ ديرەكتورى وڭداسىن قۇلىمبەتوۆ وڭىرلىك كوممۋنيكاسيالار قىزمەتىنىڭ باسپا ءسوز ورتالىعىندا بولدى. بۇگىن، 8 قاراشا حالىقارالىق كۆن كۇنى، كوڭىلدىلەر مەن تاپقىرلار كلۋبىنا قاتىسى بار بارشا جاننىڭ بەيرەسمي مەرەكەسى. سپيكەر وتاندىق كوڭىلدى تاپقىرلار كلۋبىنىڭ قالاي قالىپتاسقانىن ايتىپ بەردى، - دەپ حابارلايدى almaty-akshamy.kz
قازاقستان كتك وداعى ەلىمىزدە 20 جىلدان استام قىزمەت ەتىپ كەلەدى. ءقازىر قازاقستاننىڭ بارلىق وڭىرىندە فيليالدارى بار. قازاقشا كتك ويىندارى 1999 جىلدان بەرى شىعىپ كەلەدى. و.قۇلىمبەتوۆتىڭ ايتۋىنشا، قازاقشا كتك تاريحى 20 جىلدان استى، العاشقى ويىندار 1999 جىلى وتكەن. بۇگىندە ەلىمىزدىڭ ءاربىر وڭىرىندە بۇل كلۋبتىڭ فيليالدارى بار.
كوڭىلدى جانە تاپقىرلار كلۋبىنىڭ الماتىداعى فيليالىندا 8 ادام بار، ولاردىڭ ءبارى ويىندى دامىتۋمەن اينالىسادى، كتك ويىنشىلارىنىڭ باستاماسىن الماتى قالاسى جاستار ساياساتى باسقارماسى قولدايدى.
«جىل سايىن كتك ماۋسىمى قىركۇيەكتە باستالىپ، 1 جەلتوقساندا اياقتالادى. ءقازىر جارتىلاي فينال ءوتىپ جاتىر، 15 قاراشادا «ستۋدەنتتەر سارايىندا» فينالدىق ويىندى وتكىزۋدى جوسپارلاپ وتىرمىز. كىرۋ - تەگىن، سوندىقتان ءاربىر كورەرمەنگە قۋانامىز. الداعى ۋاقىتتا ءىرى جوبالار جاساۋ، حالىقارالىق ويىنداردى وتكىزۋ جوسپارىمىز بار»، - دەدى و.قۇلىمبەتوۆ
سپيكەردىڭ اقپاراتى بويىنشا، بيىل الماتىدا 10 كتك ويىنى ءوتتى، سونداي كونسەرتتەردىڭ ءبىرى كوك توبەدە 30 تامىزدا ءوتتى، كەشە 7 قاراشا كۇنى ستۋدەنتتەر سارايىندا دا كتك ويىندارى ءوتتى. بۇل سىندا تالدىقورعان قۇراماسى جەڭىسكە جەتىپ، 200 مىڭ تەڭگە كولەمىندەگى اقشالاي سىيلىق الدى.
«بۇگىن كتك باس ليگاسىنىڭ ۇيىمداستىرۋىمەن «چەمپيوندار چەمپيونى» اتاعى ءۇشىن ويىندار وتەدى. ال ەرتەڭ ساعات 19:00-دە «ستۋدەنتتەر سارايىندا» كتك كۇنىنە ارنالعان ارنايى جوبا وتەدى»، - دەدى و.قۇلىمبەتوۆ.
وكق قوناعى الماتى ستۋدەنتتەر قالاسى ەكەنىن جانە مۇندا كتك ويىندارىن ءتۇرلى ستيلدە وينايتىن تالانتتى جاستاردىڭ وتە كوپ ەكەنىن اتاپ ءوتتى. سونىمەن بىرگە، ءبىزدىڭ قالادا قىزداردىڭ كتك قۇراماسى دا بار، ول بولاشاق فيلولوگتار مەن جۋرناليستەردەن قۇرالعان. كتك جاڭالىقتارى تۋرالى Jaidarman_Almaty پاراقشاسىنان بىلۋگە بولادى.