6 حالىقارالىق ۇيىم مەن 8 شەت مەملەكەتتەن كەلگەن بايقاۋشى تىركەلگەن.
قازاقستاننىڭ ورتالىق سالاۋ كوميسسياسىنىڭ وتىرىسىندا 20 قاراشادا وتەتىن كەزەكتەن تىس پرەزيدەنت سايلاۋىنا 134 حالىقارالىق بايقاۋشى اككرەديتتەلدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
وتىرىستا وسى ماسەلە بويىنشا ءسوز سويلەگەن وسك حاتشىسى مۇحتار ەرماننىڭ دەرەگىنشە، 2022 جىلعى 22 قىركۇيەكتە كەزەكتەن تىس پرەزيدەنت سايلاۋىن حالىقارالىق بايقاۋ ينستيتۋتى اشىلعاننان بەرى 6 حالىقارالىق ۇيىم مەن 8 شەت مەملەكەتتەن 139 بايقاۋشى اككرەديتاسيادان وتكەن.
«2022 جىلعى 1-7 قاراشا ارالىعىندا ورتالىق سايلاۋ كوميسسسياسىنا سىرتقى ىستەر مينيسترلىگىنەن 4 حالىقارالىق ۇيىم مەن 14 شەت مەملەكەتتەن 134 بايقاۋشىنى اككرەديتاسيادان وتكىزۋ ءۇشىن ۇسىنىس ءتۇستى. 4 حالىقارالىق ۇيىمنان 110 بايقاۋشى اككرەديتاسيادان وتكىزۋگە ۇسىنىلدى. ولاردىڭ ىشىندە، تمد-دان - 55، تمد-عا قاتىسۋشى مەملەكەتتەردىڭ پارلامەنتارالىق اسسامبلەياسىنان - 34، شىۇ بايقاۋشىلار ميسسياسىنان - 19، تۇركى مەملەكەتتەرى ۇيىمىنان 2 بايقاۋشى بار. 14 شەت مەملەكەتتەن اككرەديتاسيادان وتكىزۋ ءۇشىن 24 كانديداتۋرا ۇسىنىلىپ وتىر. اتاپ ايتساق، يراك، يتاليا، لاتۆيا، وزبەكستان سەربيا، فينليانديا ۇلىبريتانيادان - 2 بايقاۋشىدان، ارمەنيا، قىرعىزستان، ليتۆا، پولشا، تايلاند جانە ماجارستاننان 1 بايقاۋشىدان، رەسەي فەدەراسياسىنان - 4 بايقاۋشى»، - دەدى مۇحتار ەرمان.
وسىدان كەيىن ورتالىق سايلاۋ كوميسسياسى ءتيىستى قاۋلى جوباسىن قابىلدادى. سونىمەن 2022 جىلعى 8 قاراشاداعى جاعداي بويىنشا حالىقارالىق ۇيىمدار مەن شەت مەملەكەتتەردەن اككرەديتتەلگەن بايقاۋشىلار سانى 271 ادامعا جەتتى.