شارانىڭ باستى ماقساتى-وقىرمان مادەنيەتىن دامىتۋ.
الماتىدا 5 قاراشادا بالالار جىلىنا ورايلاستىرىلعان جىل سايىنعى Kitap Fest 2022 كىتاپ فەستيۆالى ءوتتى. ءىس-شارانى الماتى قالاسى اكىمدىگىنىڭ قولداۋىمەن BAURZHAN foundation قورى ۇيىمداستىردى، دەپ حابارلايدى Almaty-akshamy.kz
Kitap Fest كىتاپ فەستيۆالى قازاقستاندا 2013 جىلدان بەرى وتكىزىلىپ كەلەدى. بيىل ونىڭ اياسىندا Kitap Fest Kids 2022 بالالار كىتاپ فەستيۆالى ءوتتى.
ونىڭ باستى ماقساتى-وقىرمان مادەنيەتىن دامىتۋ، جازۋشىلار مەن ولاردىڭ وقىرماندارى ءۇشىن ءبىرىڭعاي الاڭ قۇرۋ، سونداي-اق بالالار مەن جاستار اراسىندا كىتاپقا دەگەن قىزىعۋشىلىقتى ارتتىرۋ.
Kitap Fest Kids 2022 قالا تۇرعىندارى مەن قوناقتارىنا كىتاپ-يلليۋستراسيالانعان كورمەنى، قازاقستاندىق جازۋشىلارمەن جانە پىكىر كوشباسشىلارىمەن كەزدەسۋ مەن شەبەرلىك سىنىپتارىن، كونكۋرستار مەن اكسيالاردى، بالالارعا ارنالعان ويىن-ساۋىق باعدارلاماسىن جانە قازاقستاننىڭ ءىرى باسپالارى مەن كىتاپ دۇكەندەرىنىڭ جارمەڭكەسىن ۇسىندى.
ءىس-شارانىڭ بارلىق قوناقتارى ءۇشىن ۇيىمداستىرۋشىلار ءتۇرلى جانرداعى 3000 تەگىن كىتاپ ۇسىندى. سونىمەن قاتار، فەستيۆالگە قاتىسۋشىلاردىڭ بارلىعىندا اكەلىنگەن كىتاپتارمەن الماسۋعا، وزىڭىزگە ۇنايتىن كىتاپتاردى جەڭىلدىكپەن ساتىپ الۋعا، ال كەيبىرەۋلەرىن تولىعىمەن تەگىن الۋعا مۇمكىندىك بولدى.
سونداي-اق، فەستيۆال ءوز كىتاپتارىن تانىستىرعان 30 قازاقستاندىق جازۋشىعا ارنالعان الاڭعا اينالدى، ولاردىڭ اراسىندا ەرمەك تۇرسىنوۆ، اسەل ساپاقوۆا، ليليا كالاۋس جانە كونستانتين ناگايەۆ بولدى.
كىتاپ اۆتورلارى قازىرگى ادەبيەتتەگى وزگەرىپ جاتقان تەندەنسيا تۋرالى ءوز پىكىرلەرىن ءبىلدىردى، ال تانىمال بالالار جازۋشىلارى، بلوگەرلەر مەن پسيحولوگتار ءوز تاجىريبەلەرىمەن جانە جەتىستىك قۇپيالارىمەن ءبولىستى.
فەستيۆالدە سونداي-اق «اۋىلعا كىتاپ» اكسياسى ءوتتى، وندا اركىم كىتاپتى ەلىمىزدىڭ اۋىلدىق كىتاپحانالارىنا تاپسىرا الادى. بارلىعى 600-گە جۋىق كىتاپ جينالدى، ولار كەيىننەن اۋىلدىق كىتاپحانالارعا بەرىلەدى.