2016-2022 جىلدار ارالىعىندا "قازاقفيلم" كينوستۋدياسىنا كينو شىعارۋ جانە پروكاتتاۋ ماقساتىندا بولىنگەن 14،5 ملرد تەڭگەنىڭ تەك 4،8%-ى عانا اقتالعان. بۇل تۋرالى سەناتور بەكبولات ورىنبەكوۆ مالىمدەدى، دەپ حابارلايدى اlmaty-akshamy.kz.
مادەنيەت جانە اقپارات مينيسترلىگى 165 ملرد تەڭگە بيۋدجەتىمەن بىرنەشە رەت تۇزەتۋلەر ەنگىزگەنىنە قاراماستان، شامامەن 2 ملرد تەڭگەنى يگەرمەگەن. سەناتوردىڭ ايتۋىنشا، قاراجاتتى پايدالانۋدىڭ تيىمسىزدىگى كوپتەگەن جىلدار بويى وتاندىق كينەماتوگرافيا سالاسىندا دا بايقالادى. مىسالى، "ءارۋاق" كينوفيلمىنە 300 ملن تەڭگە جۇمسالعانىمەن، تابىسى نەبارى 7 مىڭ تەڭگەنى قۇراعان. ال "كومپوزيتور" كينوسىنا 1،2 ملرد تەڭگە باعىتتالعانىمەن، ونىڭ تابىسى 400 مىڭ تەڭگەدەن اسپاعان.
ۇلتتىق كينونى مەملەكەتتىك قولداۋ ورتالىعىنىڭ مالىمەتتەرىنە سايكەس، 2019-2023 جىلدارى بيۋدجەتى 6،7 ملرد تەڭگەنى قۇراعانىمەن، پروكاتتان تۇسكەن كىرىس بار بولعانى 1،1 ملرد تەڭگە بولعان.
تاعى ءبىر بيۋدجەتتى ءتيىمسىز جۇمساعان مينيسترلىك – ەكولوگيا جانە تابيعي رەسۋرستار مينيسترلىگى. ونىڭ 11،4 ملرد تەڭگە كولەمىندەگى شىعىندارى سەگىز رەت تۇزەتىلگەنىنە قاراماستان، تيىمسىزدىك 7،7 ملرد تەڭگەنى قۇراعان.
جالپى ەسەپتى جىلى بيۋدجەت قاراجاتىنىڭ 73،3 ملرد تەڭگەسى يگەرىلمەي قالعان.
بۇل كەلتىرىلگەن مالىمەتتەر مەملەكەتتىك قاراجاتتىڭ دۇرىس پايدالانىلۋىنىڭ ماڭىزدىلىعىن كورسەتەدى. قاراجاتتىڭ ءتيىمسىز جۇمسالۋى قوعام دامۋىنا كەرى اسەرىن تيگىزەتىنىن ۇمىتپاۋىمىز قاجەت.