ەڭبەك مينيسترلىگىنىڭ باسشىسى قازاقستاندىقتاردىڭ سىنىنا جاۋاپ بەردى.
سۆەتلانا جاقىپوۆا قۇربان ايت مەرەكەسىنە بايلانىستى دەمالىس كۇنىنىڭ جويىلۋىن ءتۇسىندىردى، دەپ حابارلايدى Almaty-akshamy.kz
ەڭبەك مينيسترلىگىنىڭ باسشىسى جىل سايىن جىل سوڭىندا مينيسترلىك بارلىق مەملەكەتتىك ورگانداردان مەرەكە كۇندەرى تۋرالى اقپاراتتى سۇرايتىنىن اتاپ ءوتتى. سول كەزدە قمدب قۇربان ايتتىڭ ءبىرىنشى كۇنى 17 ماۋسىم بولاتىنىن جاريالاپ، سوعان سايكەس كۇنتىزبە قۇراستىرىلدى.
"سونىمەن بىرگە، قمدب-نىڭ حاتىندا بۇل كۇن كۇنتىزبەگە بايلانىستى وزگەرۋى مۇمكىن ەكەندىگى تۋرالى ەسكەرتپە بار ەدى، بىزگە قۇربان ايتتىڭ باستالۋىنا ەكى اپتا قالعاندا ءبىرىنشى كۇن 16 ماۋسىم بولاتىنى تۋرالى رەسمي حات كەلدى. زاڭعا سايكەس بۇل كۇن دەمالىس كۇنىنە سايكەس كەلەدى"، - دەدى ەڭبەك جانە حالىقتى الەۋمەتتىك قورعاۋ ءمينيسترى سۆەتلانا جاقىپوۆا.
2024 جىلعا بەكىتىلگەن كۇنتىزبە بويىنشا قۇربان ايت 17 ماۋسىمعا سايكەس كەلگەندىكتەن، بۇل كۇن دەمالىس كۇنى بولىپ جاريالاندى. الايدا 7 ماۋسىمدا قازاقستان مۇسىلماندارى ءدىني باسقارماسى قۇربان ايتتىڭ ءبىرىنشى كۇنى جەكسەنبى، 16 ماۋسىمعا سايكەس كەلەتىنىن حابارلادى.
بۇدان كەيىن ەڭبەك مينيسترلىگى دەمالىس كۇندەرىنە كەلەتىن ءدىني مەرەكەلەردى كەيىنگە قالدىرۋعا بولمايتىنىن، سوندىقتان 17 ماۋسىمداعى دەمالىس كۇنى جويىلدى دەپ مالىمدەدى.