ءورت دەكوراسيالار دايىندايتىن اعاش سەحتەن شىققان
ش.ايمانوۆ اتىنداعى «قازاقفيلم» كينوستۋدياسى عيماراتىندا ءورت بولدى، دەپ حابارلايدى Almaty-akshamy.kz الماتى قالالىق توتەنشە جاعدايلار دەپارتامەنتىنىڭ باسپا ءسوز قزمەتىنە سىلتەمە جاساپ.
«28 مامىر كۇنى ساعات 12.22-دە بوستاندىق اۋدانى، ءال-فارابي داڭعىلى، 176 مەكەنجايىنداعى «قازاقفيلم» اق-دا دەكوراسيالار دايىندايتىن اعاش سەحىندا جۇمىس ۇستەلدەرى، قۇرال-سايماندار مەن تەرەزە جاقتاۋلارى جانىپ كەتتى. وت شارپىعان اۋماق - شامامەن 10 شارشى مەتر. جالىننىڭ تارالۋى 12.40-تا وقشاۋلاندىرىلىپ، 12.42-دە تولىعىمەن اۋىزدىقتالدى.
زارداپ شەككەندەر مەن قازا بولعاندار جوق. ءورتتىڭ شىعۋ سەبەبى انىقتالىپ جاتىر»، - دەلىنگەن تجد اقپاراتىندا.
ءمالىم ەتىلگەندەي، ءورتتىڭ تارالۋ ءقاۋپى بولعان جوق.